ଭୁବନେଶ୍ୱର: ଜନଜାତି ବ୍ୟାପାର ମନ୍ତ୍ରାଳୟର ଏକ ସ୍ୱୟଂଶାସିତ ଅନୁଷ୍ଠାନ, ଜନଜାତି ଛାତ୍ରଛାତ୍ରୀଙ୍କ ପାଇଁ ଜାତୀୟ ଶିକ୍ଷା ସିମିତି (NESTS) ଏବଂ ଭାରତୀୟ ଜନସ୍ୱାସ୍ଥ୍ୟ ଫାଉଣ୍ଡେସନ (PHFI) ମିଳିତ ଭାବରେ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଶିକ୍ଷକ ଓ ଅଧ୍ୟକ୍ଷମାନଙ୍କର ଦକ୍ଷତା ବୃଦ୍ଧି ପାଇଁ ଆଗେଇ ଆସିଛନ୍ତି।
ଜାନୁୟାରୀ ୩ ରୁ ୬ ପର୍ଯ୍ୟନ୍ତ ଆନୁଷ୍ଠାନିକ ଭାବରେ ଏହି ପ୍ରଶିକ୍ଷଣର ପ୍ରଥମ ବ୍ୟାଚ ଅନୁଷ୍ଠିତ ହେଉଛି। ଏହି ଚାରିଦିନିଆ ପ୍ରଶିକ୍ଷଣ ଶିବିର ଜନଜାତି ଛାତ୍ରଛାତ୍ରୀଙ୍କ ପାଇଁ ଗୁରୁତ୍ୱପୂର୍ଣ୍ଣ ବିଷୟ ଯଥା ପୁଷ୍ଟିସାଧନ, ମାନସିକ ସ୍ୱାସ୍ଥ୍ୟ ଏବଂ ସାଧାରଣ ସ୍ୱାସ୍ଥ୍ୟ ବିକାଶ ଉପରେ ଦୃଷ୍ଟି ଦେଇଛି। ଏହି ପ୍ରଶିକ୍ଷଣ ଜନଜାତି ଅଞ୍ଚଳରେ ଶାରୀରିକ ଏବଂ ମାନସିକ ସ୍ୱାସ୍ଥ୍ୟର ପ୍ରାସଂଗିକତା ଉପରେ ଅଧ୍ୟକ୍ଷ ତଥା ଶିକ୍ଷକମାନଙ୍କୁ ମାର୍ଗଦର୍ଶନ ଦେବ ଏବଂ ସେମାନଙ୍କ ନିଜର ବିଦ୍ୟାଳୟରେ ଏହାର ନିଷ୍କର୍ଷକୁ ପ୍ରୟୋଗ କରିବାକୁ ସହାୟକ ହେବ । ସାରା ଓଡ଼ିଶାର ୨୭ ଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ (ଊMRଗ) ରୁ ୫୪ ଜଣ ପ୍ରଥମ ବ୍ୟାଚରେ ଯୋଗଦାନ କରିଛନ୍ତି। ସେମାନଙ୍କୁ ପୁଷ୍ଟିସାଧନ ଏବଂ ମାନସିକ ସ୍ୱାସ୍ଥ୍ୟ ଉପରେ ତାଲିମ ଦିଆଯିବ।
ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ପ୍ରତିଷ୍ଠା, ପରିଚାଳନା, ଭରଣପୋଷଣ, ନିୟନ୍ତ୍ରଣ ଏବଂ ସମୃଦ୍ଧିକରଣ ତଥା ଏହି ବିଦ୍ୟାଳୟ ସମୂହର ଉପଯୁକ୍ତ ବିକାଶ ନିମନ୍ତେ ଯାହାସବୁ ନିୟମ ତଥା ଆବଶ୍ୟକ ବିଷୟାଦି ସମ୍ପାଦନ କରିବା ପାଇଁ ଜନଜାତି ବ୍ୟାପାର ମନ୍ତ୍ରାଳୟ ଅଧୀନରେ ଏକ ସ୍ୱୟଂଶାସିତ ଅନୁଷ୍ଠାନ ହିସାବରେ ଜାତୀୟ ଶିକ୍ଷା ସମିତି ଗଠିତ ହୋଇଛି। ଷଷ୍ଠ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ପ୍ରତ୍ୟେକ ବିଦ୍ୟାଳୟରେ ୪୮୦ ଜନଜାତି ଛାତ୍ରଛାତ୍ରୀଙ୍କୁ ନାମଲେଖାଇ ଦେୟମୁକ୍ତ ଆବାସିକ ଶିକ୍ଷା, ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଯୋଗାଇ ଦେଇଆସୁଛି । ଏହାର ଅଂଶୀଦାର ଅନୁଷ୍ଠାନ ହିସାବରେ ଭାରତୀୟ ଜନସ୍ୱାସ୍ଥ୍ୟ ଫାଉଣ୍ଡେସନ ସୁସ୍ଥ ଭାରତ ନିମନ୍ତେ କାର୍ଯ୍ୟ କରିବାକୁ ସମର୍ପିତ।
ଏହି କର୍ମଶାଳାକୁ ଭାରତ ସରକାରଙ୍କ ଜନଜାତି ବ୍ୟାପାର ରାଜ୍ୟ ମନ୍ତ୍ରୀ ଶ୍ରୀମତୀ ରେଣୁକା ସିଂ ସାରୁତା ଉଦ୍ଘାଟନ କରିଥିଲେ। ଏହି ଅବସରରେ ଭାରତ ସରକାରଙ୍କ ଜନଜାତି ବ୍ୟାପାର ରାଜ୍ୟ ମନ୍ତ୍ରୀ ଶ୍ରୀମତୀ ସାରୁତା ତାଙ୍କ ଅଭିଭାଷଣରେ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଅଧ୍ୟକ୍ଷ ଏବଂ ଶିକ୍ଷକମାନେ ପ୍ରତିଦିନ ଛାତ୍ରଛାତ୍ରୀଙ୍କ ସହ ଭାବର ଆଦାନପ୍ରଦାନ କରୁଥିବାରୁ ସେମାନେ ସ୍ୱାସ୍ଥ୍ୟ ସମସ୍ୟାର ବିଭିନ୍ନ ଦିଗ ପ୍ରତି ସଚେତନ ହେବା ସହ ତାକୁ ସମ୍ପାଦନ କରିବା ପାଇଁ ଅନୁପ୍ରେରିତ ହେବାର ଆବଶ୍ୟକତା ରହିଛି ବୋଲି ଆଲୋãନା କରିଥିଲେ ।
ଅନ୍ୟାନ୍ୟ ଅତିଥିମାନଙ୍କ ମଧ୍ୟରେ ଶ୍ରୀମତୀ ଇନ୍ଦିରା ମୁଦଗଲ, ଉପ ଆୟୁକ୍ତ, ଜାତୀୟ ଶିକ୍ଷା ସିମିତି ଏବଂ ଡ. ପୁଷ୍କର କୁମାର, ନିର୍ଦ୍ଦେଶକ, ପ୍ରଶିକ୍ଷଣ, ଭାରତୀୟ ଜନସ୍ୱାସ୍ଥ୍ୟ ଫାଉଣ୍ଡେସନ, ଶ୍ରୀ ବିଶ୍ୱରଞ୍ଜନ ସାସମଲ, ସ୍ୱତନ୍ତ୍ର ସଚିବ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ, ବିଭାଗୀୟ ନିର୍ଦ୍ଦେଶକ (ଅନୁସୂଚିତ ଜନଜାତି ) ଶ୍ରୀକାନ୍ତ ତରାଇ, ଏସ୍ସିଏସ୍ଟିଆର୍ଟିଆଇର ନିର୍ଦ୍ଦେଶକ ଶ୍ରୀ ଇନ୍ଦ୍ରମଣି ତି୍ରପାଠୀ, ଆସିଷ୍ଟାଣ୍ଟ ସେକ୍ରେଟାରୀ, ଓଏମ୍ଟିଇଏସ୍ ଡ. ଗୀତାଂଶୁ ମୋହନ ଦାଶ ଯୋଗଦାନ କରିଥିଲେ ।
ଏହି ପ୍ରଶିକ୍ଷଣ କର୍ମଶାଳା ଜନଜାତି ଛାତ୍ରଛାତ୍ରୀଙ୍କ ଆବଶ୍ୟକତା ପୂରଣ ପାଇଁ ସକ୍ଷମ ହେବା ସହ ଦେଶର ସମସ୍ତ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟକୁ ପହଞ୍ଚିପାରିବ । ଅଧ୍ୟକ୍ଷ ଏବଂ ଶିକ୍ଷକମାନଙ୍କୁ ଦିଆଯାଇଥିବା ଏହି ପ୍ରଶିକ୍ଷଣ ପିଲାମାନଙ୍କ ବିକାଶ ଦିଗରେ ସହାୟକ ହେବ । ଏହା ଭାରତୀୟ ଜନସ୍ୱାସ୍ଥ୍ୟ ପ୍ରତିଷ୍ଠାନଗୁଡ଼ିକର ଦକ୍ଷତା ବୃଦ୍ଧି ସହିତ ବିଭିନ୍ନ ବିଭାଗର ସ୍ୱାସ୍ଥ୍ୟ ବ୍ୟବସ୍ଥା ସମ୍ପର୍କିତ ଶିକ୍ଷାକୁ ଯୋଡ଼ିବାରେ ସହାୟକ ହେବ ।