ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ବଡପଦର ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଯାଇଛି। ସନ୍ଦେହଜନକ ଅବସ୍ଥାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ପୋଲିସ ତଦନ୍ତ ଜାରି ରଖିଛି। ମୃତକ ଜଣକ ବଡପଦର ଗ୍ରାମର କୈଳାଶ ନାୟକ (୬୦) ବୋଲି ଜଣାପଡିଛି।
ସୂଚନା ମୁତାବକ କୈଳାଶ ଆଜି ମଧ୍ୟାହ୍ନରେ ଘରୁ ବାହାରି ରୋଡକୁ ଯାଉଥିବା ବେଳେ ହଠାତ ତଳେ ପଡିଯାଇଥଲେ। ପରିବାରବର୍ଗ କୈଳାଶଙ୍କୁ ଟାଙ୍ଗୀ ମେଡିକାଲ ନେଇଥିଲେ ସୁଦ୍ଧା ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଏହାପରେ ପୋଲିସକୁ ସୂଚନା ଦେଇଥିଲେ।
ସୂଚନା ପାଇ ବାଣପୁର ପୋଲିସ ଶବ ଜବତ କରି କେସ ନମ୍ବର ୧/୨୩ ରେ ମାମଲା ରୁଜୁ କରି ତଦନ୍ତ ଜାରି ରଖିଛି। ତେବେ ଏ ନେଇ ମୃତ କୈଳାଶଙ୍କ ପୁତ୍ର ଭାଗିରଥି ନାୟକ ବାଣପୁର ଥାନାରେ ଲିଖିତ ଅଭିଯୋଗ କରିଥିବା ଜଣାପଡିଛି।
