ନୂଆଦିଲ୍ଲୀ: ହରିୟାଣାର ପାନିପତ ଜିଲ୍ଲାର ତହସିଲ କ୍ୟାମ୍ପ ଅଞ୍ଚଳରେ ସିଲିଣ୍ଡର ବିସ୍ଫୋରଣ ହେତୁ ୬ ଜଣଙ୍କ ଦୁଃଖଦ ମୃତ୍ୟୁ ଖବର ସାମ୍ନାକୁ ଆସିଛି। ଏହି ଘଟଣା ପରେ ତହସିଲ କ୍ୟାମ୍ପ ପରିସରରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି। ବିସ୍ଫୋରଣ ଘଟଣା ପରେ ଅଞ୍ଚଳର ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ବର୍ତ୍ତମାନ, ସିଲିଣ୍ଡରରେ ବିସ୍ଫୋରଣ କିପରି ଘଟିଛି ଜାଣିବାକୁ ପୋଲିସ ଚେଷ୍ଟା କରୁଛି?
ସୂଚନା ଅନୁଯାୟୀ ପାନିପତର ତହସିଲ କ୍ୟାମ୍ପ ଅଞ୍ଚଳରେ ସକାଳେ ରାନ୍ଧିବା ସମୟରେ ସିଲିଣ୍ଡରରେ ନିଆଁ ଲାଗିଯାଇଥିଲା। ଏହା ପରେ ସିଲିଣ୍ଡର ବିସ୍ଫୋରଣ ଘଟିବାରୁ କୋଠରୀ ଭିତରେ ଥିବା ଲୋକମାନେ କବାଟ ଖୋଲିବାର ସୁଯୋଗ ମଧ୍ୟ ପାଇଲେ ନାହିଁ। କୋଠରୀ କବାଟ ଖୋଲା ନ ଥିବାରୁ ଗୋଟିଏ ପରିବାରର ୬ ଜଣଙ୍କର ମୃତ୍ୟୁ ଘଟିଥିଲା। ସୂଚନାନୁସାରେ, ଦୁର୍ଘଟଣାର ସମସ୍ତ ପୀଡିତ ପାନିପତ ତହସିଲ କ୍ୟାମ୍ପ ଅଞ୍ଚଳରେ ଭଡା ଘରେ ରହୁଥିଲେ।