୨ ବାଇକ ମୁହାଁ ମୁହିଁ ଧକ୍କା, ବାଇକ ଆରୋହୀ ମୃତ

Published: Feb 2, 2023, 8:13 pm IST

କନ୍ଦର୍ପ ବେହେରା
ରେଢ଼ାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅନ୍ତର୍ଗତ ଗୋଧିଢ଼ିପ- ମାନେଶ୍ୱର ରାସ୍ତାର ଡୁମାମହୁଲ ନିକଟରେ ଆଜି ଅପରାହ୍ନ ପ୍ରାୟ ୩ଟା ବେଳେ ୨ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି।

ମୃତକ ଜଣଙ୍କ ହେଲେ ନାକଟିଦେଉଳ ଥାନା ଅନ୍ତର୍ଗତ ସରାପାଲି ଗ୍ରାମର। ଭକ୍ତ ବନ୍ଧୁ ପ୍ରଧାନଙ୍କ ପୁଅ ଜିତେନ୍ଦ୍ରିୟ ପ୍ରଧାନ (୪୭)। ସେ ନିଜ ଗାଁକୁ ବାଇକରେ ଆସୁ ଥିବା ବେଳେ ଅନ୍ୟ ବାଇକ ସହ ଡୁମାମହୁଲ ନିକଟରେ ମୁହାଁମୁହିଁ ଧକ୍କା ହୋଇଥିଲା।

ଆହତ ଅବସ୍ଥାରେ ଉଦ୍ଧାର କରି ତାଙ୍କୁ ପ୍ରଥମେ ନାକଟିଦେଉଳ ଡାକ୍ତରଖାନାରେ ଚିକିତ୍ସା କରିଥିଲେ। ହେଲେ ଅବସ୍ଥା ଗୁରୁତର ଥିବାରୁ ତାଙ୍କୁ ଭୀମସାର ବୁର୍ଲାକୁ ନେଉଥିବା ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଯାଇଥିଲା।

Related posts