ଭୁବନେଶ୍ବର: ଆଜି ହେଉଛି ପବିତ୍ର ଶିବରାତ୍ରି। ଏହି ଦିନ ଶିବ ଉପାସନା କଲେ ପୂଣ୍ୟ ମିଳେ ବୋଲି ବିଶ୍ବାସ ରହିଛି। ସେଥିପାଇଁ ଆଜି ସମସ୍ତ ଶିବ ମନ୍ଦିରରେ ପ୍ରବଳ ଜନ ଗହଳି ହୋଇଛି। ଏହି ଗହଳି ସଂଧ୍ୟାରେ ଆହୁରି ଅଧିକ ହେବ।
ତେବେ ଏହି ପବିତ୍ର ଦିବସ ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ, ‘ପବିତ୍ର ମହା ଶିବରାତ୍ରି ତଥା ଜାଗର ଅବସରରେ ଓଡ଼ିଶାବାସୀଙ୍କୁ ମୋର ଶୁଭେଚ୍ଛା ଓ ଶୁଭକାମନା ଜଣାଉଛି। ମହାଦେବଙ୍କ ଅପାର କରୁଣା ସଭିଙ୍କ ଜୀବନକୁ ସୁଖ ଓ ଶାନ୍ତିରେ ଭରି ଦେଉ।’
