ପାଟନା: ଜେଡିୟୁରୁ ଅଲଗା ହେବା ମାତ୍ରେ ଉପେନ୍ଦ୍ର କୁଶୱା ଏକ ବଡ ବୟାନ ଦେଇଛନ୍ତି। ଆଜି ଉପେନ୍ଦ୍ର କୁଶୱା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଜେଡିୟୁର ଅନେକ ବିଧାୟକ ଏବଂ MLC ତାଙ୍କ ସହ ଯୋଗାଯୋଗରେ ଅଛନ୍ତି। ଆଗାମୀ ସମୟରେ ବହୁତ କିଛି ଘଟିବାକୁ ଯାଉଛି। ସେ ଏହା ମଧ୍ୟ କହିଛନ୍ତି ଯେ, କେବଳ ସେମାନଙ୍କ ସହ ସେ ଯୋଗାଯୋଗରେ ନାହାଁନ୍ତି, ବରଂ ଅନେକ ଜେଡିୟୁ ଲୋକ ତାଙ୍କ ଲୋକଙ୍କ ସହ ଯୋଗାଯୋଗରେ ଅଛନ୍ତି, ଯାହା ଖୁବ ଶୀଘ୍ର ପ୍ରକାଶ ପାଇବ। ସମୟକୁ ଅପେକ୍ଷା କରନ୍ତୁ, ସବୁ ଜାଣିପାରିବେ।
ଦଳ ଭାଙ୍ଗୁଥିବା ପ୍ରଶ୍ନ ଉପରେ ଉପେନ୍ଦ୍ର କୁଶୱା ଆହୁରି କହିଛନ୍ତି ଯେ, ଜେଡିୟୁରେ କଣ ବାକି ଅଛି? ଜେଡିୟୁ ଏକ ଖାଲି ଘର ପରି। ସେଠାରେ କ’ଣ ଅଛି, ଯାହା ଭାଙ୍ଗିବ? ବର୍ତ୍ତମାନ ସେହି ପାର୍ଟିରେ କିଛି ବାକି ନାହିଁ। ଭବିଷ୍ୟତରେ ନୀତୀଶ କୁମାରଙ୍କ ସହ ପୁନର୍ବାର ଯିବା ପ୍ରଶ୍ନ ଉପରେ ଉପେନ୍ଦ୍ର କୁଶୱା କହିଛନ୍ତି ଯେ, ରାଜନୈତିକ ଦୃଷ୍ଟିରୁ ସେ ନୀତୀଶ କୁମାରଙ୍କ ସହ ଯାଇପାରିବେ ନାହିଁ। କିନ୍ତୁ ଆବଶ୍ୟକ ହେଲେ ସେ ନୀତୀଶ କୁମାରଙ୍କୁ ରକ୍ତ ଦେଇପାରିବେ। ସେ ପ୍ରଥମେ ନୀତୀଶ କୁମାରଙ୍କ ସାମ୍ନାରେ ଠିଆ ହେବେ।
