ନୂଆଦିଲ୍ଲୀ: ଅବକାରୀ ନୀତି ମାମଲାରେ ଜେରା ପାଇଁ ସିବିଆଇ କାର୍ଯ୍ୟାଳୟରେ ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ପହଞ୍ଚିଛନ୍ତି। କିନ୍ତୁ ଏହାର କିଛି ସମୟ ପରେ AAP ସାଂସଦ ସଞ୍ଜୟ ସିଂ ସିବିଆଇ କାର୍ଯ୍ୟାଳୟ ନିକଟରେ ଧାରଣାରେ ବସିଥିଲେ। ତେବେ ସିବିଆଇ କାର୍ଯ୍ୟାଳୟ ନିକଟରେ ବିରୋଧ କରୁଥିବା ଦଳର ନେତା ଓ କର୍ମୀଙ୍କୁ ଦିଲ୍ଲୀ ପୋଲିସ ହେପାଜତକୁ ନେଇଛି।
ପ୍ରକାଶ ଯେ, ସିବିଆଇ କାର୍ଯ୍ୟାଳୟଠାରୁ ଏକ କିଲୋମିଟର ଦୂରରେ ପୋଲିସ୍ ବ୍ୟାରିକେଡ୍ ଅଛି। କାହାକୁ ଆସିବାକୁ ଅନୁମତି ନାହିଁ। ଏଥିରେ କ୍ରୋଧିତ AAP ସାଂସଦ ସଞ୍ଜୟ ସିଂ ଏବଂ ଦଳୀୟ କର୍ମୀମାନେ ଆର୍ଚ ବିଶପ ମାର୍ଗରେ ଜୋରଦାର ପ୍ରଦର୍ଶନ କରିଥିଲେ।
