ବିଜେପିରେ ଐତିହାସିକ ବିଜୟ ପରେ ଶପଥ ଗ୍ରହଣ ଉତ୍ସବକୁ ନେଇ ଏବେ ଚର୍ଚ୍ଚା ଚାଲିଛି। ଏହି ଶପଥ ଗ୍ରହଣ ଉତ୍ସବକୁ ଏଥର ବିମ୍ସଟେକର ଦେଶ ଅର୍ଥାତ ନେପାଳ, ଭୂଟାନ, ମିଆଁମାର,ଶ୍ରୀଲଙ୍କା ଓ ଥାଇଲାଣ୍ଡର ରାଷ୍ଟ୍ରାଧ୍ୟକ୍ଷଙ୍କୁ ଆମନ୍ତ୍ରିତ କରାଯାଇଛି। ଏହା ସହିତ ଅଭିନେତାରୁ ରାଜନେତା ହୋଇଥିବା କମଲ ହାସନ, ରଜନୀକାନ୍ତ ତଥା ଓ୍ବାଇଏସ୍ କଂଗ୍ରେସର ଜଗନ ମୋହନ ରେଡ୍ଡି ପ୍ରମୁଖଙ୍କୁ ନିମନ୍ତ୍ରଣ ଦିଆଯାଇଛି। ତେବେ ସବୁଠୁ ଚର୍ଚ୍ଚାର କଥା ହେଉଛି ମୋଦିଙ୍କ ଶପଥ ଉତ୍ସବରେ ଯୋଗଦେବେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ। ମଇ ୩୦ ତାରିଖ ସନ୍ଧ୍ୟାରେ ହେବାକୁ ଥିବା ଶପଥ ଗ୍ରହଣ ଉତ୍ସବରେ ଯୋଗଦେବେ ତୃଣମୂଳ କଂଗ୍ରେସର ପ୍ରମୁଖ ମମତା ବାନାର୍ଜୀ। ଚଳିିତ ଲୋକସଭା ନିର୍ବାଚନରେ ପଶ୍ଚିମବଙ୍ଗରେ ଟିଏମ୍ସି ଓ ବିଜେପିର ଜବରଦସ୍ତ ଟକ୍କର ଲାଗିଥିଲା। ୪୨ଟି ଲୋକସଭା ଆସନରୁ ବିଜେପି ୧୮ଟି ଆସନ ପାଇଥିବାବେଳେ ୨୨ଟି ଆସନ ଟିଏମ୍ସି ପାଇଛି। କେବଳ ଏତିକିରେ ସୀମିତ ରହିନାହିଁ ବଙ୍ଗଳା ରାଜନୀତି। ଆଜି ମୁକୁଲ ରାୟଙ୍କ ପୁତ୍ର ଶୁଭ୍ରାଂଶୁ ରାୟଙ୍କ ସମେତ ୨ ଟିଏମ୍ସି ବିଧାୟକ ବିଜେପିରେ ମିଶିଛନ୍ତି। ମୋଦିଙ୍କ ଲହର ପଶ୍ଚିମବଙ୍ଗରେ ହଡକମ୍ପ ସୃଷ୍ଟି କରିଥିବାବେଳେ ମୋଦିଙ୍କ ଶପଥ ଗ୍ରହଣ ଉତ୍ସବରେ ଦିଦିଙ୍କ ଆଗମନ ରାଜନୈତିକ ବାତାବରଣକୁ ବେଶ୍ ସରଗରମ କରିଛି।
ପଶ୍ଚିମବଙ୍ଗରେ ଟିଏମସିକୁ ଝଟକା!: ସଦ୍ୟତମ ନିର୍ବାଚନ ସର୍ଭେରେ ବିଜେପି ପାଇଁ ଭଲ ଖବର