ନୂଆଦିଲ୍ଲୀ: ଆଜି ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କୁ ସୁରଟ ଜିଲ୍ଲା କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପନାମ ଉପରେ ମନ୍ତବ୍ୟ ମାମଲାରେ କୋର୍ଟ ଏହି ରାୟ ଶୁଣାଣି କରିଛନ୍ତି। ଏହାର ନିଷ୍ପତ୍ତିରେ ସୁରଟ କୋର୍ଟ ରାହୁଲ ଗାନ୍ଧୀଙ୍କୁ ୨ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି।
ସୁରଟ ଜିଲ୍ଲା କୋର୍ଟର ନିଷ୍ପତ୍ତିର କିଛି ସମୟ ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପ୍ରଥମ ବିବୃତ୍ତି ମଧ୍ୟ ଆସିଛି। ସେ କହିଛନ୍ତି ଯେ, ‘ଅଣ ବିଜେପି ନେତା ଓ ଦଳ ଉପରେ ମାମଲା ରୁଜୁ କରି ସେମାନଙ୍କୁ ଶେଷ କରିବା ପାଇଁ ବିଜେପି ଷଡଯନ୍ତ୍ର କରୁଛି। କଂଗ୍ରେସ ସହିତ ଆମର ମତଭେଦ ଅଛି, କିନ୍ତୁ ରାହୁଲ ଗାନ୍ଧୀଙ୍କୁ ଏହିପରି ମାନହାନୀ ମାମଲାରେ ଜଡିତ କରିବା ଠିକ୍ ନୁହେଁ। ପ୍ରଶ୍ନ ପଚାରିବା ଜନସାଧାରଣ ଏବଂ ବିରୋଧୀଙ୍କ କାମ। ଆମେ କୋର୍ଟକୁ ସମ୍ମାନ ଦେଉଛୁ, କିନ୍ତୁ ଏହି ନିଷ୍ପତ୍ତିରେ ସହମତ ନୁହଁ।