ନୂଆଦିଲ୍ଲୀ: ଦେଶର ସର୍ବ ପୁରାତନ ମେଟ୍ରୋ ସେବା କୋଲକାତା ମେଟ୍ରୋ ଇତିହାସ ସୃଷ୍ଟି କରିଛି। ଭାରତରେ ପ୍ରଥମ ଥର ପାଇଁ ଏକ ମେଟ୍ରୋ ନଦୀରେ ଗତି କରିଛି। ମେଟ୍ରୋ ହୁଗୁଲି ନଦୀ ତଳେ ଯାତ୍ରା କରୁଥିବା ବେଳେ କୋଲକାତାର ହାୱଡାରୁ ଏସପ୍ଲାନେଡ୍ ପର୍ଯ୍ୟନ୍ତ ଏକ ଟ୍ରାଏଲ୍ ରନ୍ କରାଯାଇଥିଲା। କୋଲକାତା ମେଟ୍ରୋ ଜେନେରାଲ୍ ମ୍ୟାନେଜର ପି ଉଦୟ କୁମାର ରେଡ୍ଡୀ ଏହି ରନ୍ କୁ କୋଲକାତା ସହର ପାଇଁ ଏକ ଐତିହାସିକ ମୁହୂର୍ତ୍ତ ବୋଲି ବର୍ଣ୍ଣନା କରିଛନ୍ତି।
ଉଦୟ କୁମାର ରେଡ୍ଡୀ କହିଛନ୍ତି ଯେ, ଏହା ପ୍ରଥମ ଥର ପାଇଁ ହୁଗଲି ନଦୀରେ ଏକ ଟ୍ରେନ୍ ଚାଲିଛି। ଏହା ମଧ୍ୟ ୩୩ ମିଟର ଗଭୀରତା ବିଶିଷ୍ଟ ସବୁଠୁ ଗଭୀର ଷ୍ଟେସନ। ଭାରତରେ ପ୍ରଥମ ଥର ପାଇଁ ଏହା ଘଟିଛି। କୋଲକାତା ସହର ପାଇଁ ଏହା ଏକ ଐତିହାସିକ ମୁହୂର୍ତ୍ତ। ସେ କହିଛନ୍ତି ଯେ, ହାୱଡା ମଇଦାନରୁ ଏସପ୍ଲାନେଡ ପର୍ଯ୍ୟନ୍ତ ପରୀକ୍ଷା ଆସନ୍ତା ୭ ମାସ ଯାଏଁ ଜାରି ରହିବ। ଏହା ପରେ ଏହା ଲୋକମାନଙ୍କ ପାଇଁ ନିୟମିତ ଆରମ୍ଭ ହେବ।
Kolkata Metro creates History!For the first time in India,a Metro rake ran under any river today!Regular trial runs from #HowrahMaidan to #Esplanade will start very soon. Shri P Uday Kumar Reddy,General Manager has described this run as a historic moment for the city of #Kolkata. pic.twitter.com/sA4Kqdvf0v
— Metro Rail Kolkata (@metrorailwaykol) April 12, 2023
ଚଳିତ ବର୍ଷ ହାୱଡା-ଏସପ୍ଲାନେଡ୍ ଖଣ୍ଡରେ ବ୍ୟବସାୟିକ ସେବା ଆରମ୍ଭ ହେବ ବୋଲି ଆଶା କରାଯାଉଛି। ୪୫ ସେକେଣ୍ଡରେ ହୁଗଲି ନଦୀ ତଳେ ଏହା ୫୨୦ ମିଟର ଦୂରତା ଅତିକ୍ରମ କରିଥିଲା। ନଦୀ ତଳେ ଥିବା ଏହି ଟନେଲ୍ ୩୨ ମିଟର ତଳେ ରହିଛି। ଏହି ଖଣ୍ଡଟି ପୂର୍ବ-ପଶ୍ଚିମ ମେଟ୍ରୋ କରିଡରର ଏକ ଅଂଶ ଯାହାକି କୋଲକାତାର ଆଇଟି ହବ୍ ସଲ୍ଟ ଲେକ୍ ରେ ହାୱଡା ମଇଦାନ ଏବଂ ସେକ୍ଟର ଭି କୁ ସଂଯୋଗ କରେ। ଏହି ପ୍ରକଳ୍ପ କୋଲକାତା ମେଟ୍ରୋର ଉତ୍ତର-ଦକ୍ଷିଣ ଲାଇନର ଏସପ୍ଲାନେଡ୍ ଷ୍ଟେସନକୁ ହାୱଡାର ଏବଂ ସିୟାଲଦହ ଠାରେ ଥିବା ଭାରତୀୟ ରେଳ ଷ୍ଟେସନ ସହିତ ସଂଯୋଗ କରିବ।
ଏହି ବିକାଶ କୋଲକାତା ମେଟ୍ରୋ ପାଇଁ ଆଉ ଏକ ମାଇଲଖୁଣ୍ଟ ଅଟେ। କାରଣ ଏହା ମଧ୍ୟ ଦେଶର ପ୍ରଥମ ମେଟ୍ରୋ ରେଳ ଥିଲା, ଯାହା ୧୯୮୪ ରେ କୋଲକାତାରେ ଆରମ୍ଭ ହୋଇଥିଲା। ଏହା ପରେ ରାଜଧାନୀ ଦିଲ୍ଲୀ ୨୦୦୨ରେ ମେଟ୍ରୋ ସେବା ଯୋଗାଇବା ଆରମ୍ଭ କଲା।
