ଡାକ୍ତରୀ ଛାତ୍ରୀ ପାୟଲ ଏସ୍ ତାଡ୍ବୀଙ୍କ ଆତ୍ମହତ୍ୟା ଘଟଣା ନୂଆ ମୋଡ ନେଇଛି। ମୁମ୍ବାଇ ପୋଲିସ୍ ହାତରୁ ମାମଲାର ତଦନ୍ତ ଭାର ନିଜ ହାତକୁ ନେଇଛି ମୁମ୍ବାଇ କ୍ରାଇମବ୍ରାଞ୍ଚ। ଜାତିଗତ ଆକ୍ଷେପ ନେଇ ପାୟଲ୍ ଆତ୍ମହତ୍ୟା କରିଥିବାର ଅଭିଯୋଗ ଆସିଥିଲା। ଏହି ମାମଲାରେ ତିନି ବରିଷ୍ଠ ଡାକ୍ତରଙ୍କ ନାମ ସାମ୍ନାକୁ ଆସିବା ପରେ ମୁ୍ମ୍ବାଇ କ୍ରାଇମବ୍ରାଞ୍ଚକୁ ତଦନ୍ତ ଭାର ହସ୍ତାନ୍ତର କରାଯାଇଛି ବୋଲି ମୁମ୍ବାଇ ପୋଲିସ୍ ଅଧିକାରୀ ମଞ୍ଜୁନାଥ ସିଙ୍ଘେ ପ୍ରକାଶ କରିଛନ୍ତି। ଭକ୍ତି ମେହେର, ହେମା ଆହୁଜା ଏବଂ ଅଙ୍କିତା ଖଣ୍ଡେଲଓ୍ବାଲଙ୍କ ନାମ ଏହି ମାମଲାରେ ସାମ୍ନାକୁ ଆସିଛି। ଶୁକ୍ରବାର ସୁଦ୍ଧା କ୍ରାଇମବ୍ରାଞ୍ଚ ଏହାର ରିପୋର୍ଟ ମୁମ୍ବାଇ କୋର୍ଟରେ ଦାଖଲ କରିବ ବୋଲି ଜଣା ପଡିଛି।
