ଭୁବନେଶ୍ବର: ଶେଷରେ ହଜିଯାଇଥିବା ଶ୍ରୀମନ୍ଦିର ଫାଇଲ ମିଳିଛି। ଏହି ସ୍ପଷ୍ଟୀକରଣ ପ୍ରଦାନ କରିଛି ଖୋଦ ଆଇନ ବିଭାଗ। ଆଜି ଆଇନ ବିଭାଗର ପ୍ରମୁଖ ଶାସନ ସଚିବ ଧନେଶ୍ବର ମଲ୍ଲିକ ଏକ ଭିଡିଓ ବାର୍ତ୍ତା ଜରିଆରେ ଏହି ଫାଇଲ ମିଳିଛି ବୋଲି ସ୍ବୀକାର କରିଛନ୍ତି।
ସେ କହିଛନ୍ତି ଯେ, ଶ୍ରୀମନ୍ଦିରର ଦୁଇଟି ଫାଇଲ ମିଳୁ ନ ଥିବାରୁ ସମସ୍ତ ବିଭାଗକୁ ଚିଠି କରାଯାଇଥିଲା। ସେଥିରେ ସେହି ଦୁଇଟି ଫାଇଲ ନମ୍ବର ଦିଆଯାଇ ତାହାକୁ ଅନୁଧ୍ୟାନ କରିବା ପାଇଁ କୁହାଯାଇଥିଲା। ତେବେ ସେହି ଦୁଇଟି ଫାଇଲ ମିଳିଛି ବୋଲି କହିଛନ୍ତି ଆଇନ ବିଭାଗର ପ୍ରମୁଖ ଶାସନ ସଚିବ।
