କନ୍ଦର୍ପ ବେହେରା
ରେଢ଼ାଖୋଲ: କଟକ ସମ୍ବଲପୁର ଜାତୀୟ ରାଜପଥ ରେଢ଼ାଖୋଲ ଦଳଖମନ ରାସ୍ତାରେ ରେଢ଼ାଖୋଲ ପୋଲିସ ରାସ୍ତାରେ ଯାଞ୍ଚ୍ କରୁଥିବା ସମୟରେ କଫ୍ ସିରଫ ସହ ତିନି ଜଣ ଚୋରାଚାଲାଣ କାରୀଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ମାନେ ହେଲେ ସମ୍ବଲପୁର ଅଇଁଠାପାଲି ଥାନା ଚମାର ପଡାର ନାଗେଶ୍ଵର ରୋହିଦାସ (୨୪), ଡେଙ୍ଗସରଗି ସୁଖାପଡା ଗାଁ ର ଦିପକ ଖଡିଆ, (୨୩) ଓ ଦେବଗଡ଼ ଜିଲ୍ଲା କୁଣ୍ଡେଇ ଗଳା ଥାନା ଖଇର୍ ପାଲି ଗାଁ ର ଟିକୁନୁ ନାଏକ (୨୨) ବୋଲି ପୋଲିସ୍ ଏକ ପ୍ରେସ୍ ଇସ୍ତାହାରରେ ଜଣାଇଛି।
ଏହା ସହ କଫ୍ ସିରଫ୍ ଚାଲାଣ କରୁଥିବା ଏକ ବୋଲେରୋ ଗାଡ଼ି ଓ ଅଭିଯୁକ୍ତ ମାନେ ବ୍ୟବହାର କରୁଥିବା ତିନୋଟି ମୋବାଇଲ୍ ଫୋନ୍ କୁ ମଧ୍ୟ ଜବତ୍ କରିବାରେ ସଫଳ ହୋଇଛି ପୋଲିସ୍।
ସୂଚନାଯୋଗ୍ୟ ଯେ, ରେଢ଼ାଖୋଲ ୫୫ନଂ ଜାତୀୟ ରାଜପଥର ଦଳଖମନ ରାସ୍ତାରେ ଗତ ୫ତାରିଖ ଦିନ ୧୧ ଟା ସମୟରେ ପୋଲିସ୍ ରାସ୍ତାରେ ଗାଡ଼ି ମୋଟର ଯାନ ଯାଞ୍ଚ୍ କରୁଥିବା ସମୟରେ ଏକ ବୋଲେରୋ ଗାଡ଼ିରୁ ଯାଞ୍ଚ କରି ୮୮୬ ବୋତଲ କଫ୍ ସିରଫ ଜବତ କରିଥିଲା। ଅନୁଗୁଳ ରୁ କଫ୍ ସିରଫ୍ ବୋହି ସମ୍ବଲପୁର କୁ ଯାଉଥିବା ( ଓଡି-୦୭-ଏଫ୍-୨୪୪୭ )ବୋଲେରୋ ରୁ ୧୦୦ ଏମ୍ ଏଲ୍ ବିଶିଷ୍ଟ ୮୮୬ ବୋତଲ କଫ୍ ସିରଫ୍ ଜବତ୍ କରିବା ସହ ତିନି ଜଣ ଅଭିଯୁକ୍ତଙ୍କୁ ଗିରଫ୍ କରିଥିଲା।
ଗିରଫ ଅଭିଯୁକ୍ତ ମାନଙ୍କ ମଧ୍ୟରୁ ଦିପକ ଖଡିଆ ଙ୍କ ନାରେ ଆଗରୁ ଅଇଁଠାପାଲି ଥାନା ରେ ଦୁଇଟି ମାମଲ ଥିବା ଜଣା ପଡ଼ିଛି। ଅଭିଯୁକ୍ତ ନାଗେଶ୍ଵର ରୋହିଦାସ ନାମରେ ଆଗରୁ ଅଇଁଠାପାଲି ଥାନା ରେ ତିନିଟି ମାମଲା ଓ କ୍ଷେତରାଜପୁର ଥାନାରେ ଗୋଟିଏ ମାମଲା ଥିବା ପୋଲିସ୍ ପ୍ରକାଶ କରିଛି।ରେଢ଼ାଖୋଲ ପୋଲିସ୍ ଏକ ମାମଲା ରୁଜୁ କରି କୋର୍ଟ ଚାଲଣ କରିଛି।