ଭୁବନେଶ୍ୱର: ଆନ୍ଧ୍ର ପ୍ରଦେଶ ବିଧାନ ପରିଷଦର ସଦସ୍ୟ କରାଇ ଦେବା ପାଇଁ ଆଶାୟୀମାନଙ୍କଠାରୁ କୋଟି କୋଟି ଟଙ୍କା ଆଦାୟ ହୋଇଛି। ଏହି କେଳେଙ୍କାରୀକୁ ନେଇ ଫୌଜଦାରୀ ମାମଲା ମଧ୍ୟ ହେବାକୁ ଯାଉଛି ଏବଂ ଏଥିରେ ଓଡିଶା ବିଜେପି ନେତା ଗିରଫ ହେବାର ସମ୍ଭାବନା ରହିଛି ବୋଲି ବିଜେଡି ଅଭିଯୋଗ କରିଛି।
ଆଜି ଶଙ୍ଖ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବିଜେଡି ନେତା ତୁମ୍ବନାଥ ପଣ୍ଡା ଏହା କହିଛନ୍ତି। ସେ ପୃଥୀରାଜ ହରିଚନ୍ଦନଙ୍କ ନାମ ନେଇ କହିଛନ୍ତି ଯେ, ସମସ୍ତେ ଜାଣନ୍ତି, ଜୀବନରେ ୱାର୍ଡ଼ମେମ୍ବର ନିର୍ବାଚନରେ ବି ଜିତି ପାରିନଥିବା ଓଡ଼ିଶା ବିଜେପିର କୁହାଳିଆ ନେତା ପୃଥ୍ୱୀରାଜ ହରିଚନ୍ଦନ ସବୁବେଳେ ଓଡ଼ିଶା ବିରୋଧୀ ବୟାନ ଦିଅନ୍ତି। ତାଙ୍କୁ ଓଡିଶା ଲୋକେ ପ୍ରତ୍ୟାଖାତ କରିବାରେ ଲାଗିଛନ୍ତି।
ତେବେ ଆନ୍ଧ୍ରର ଏହି ଠକେଇ ଘଟଣା ଉପରେ ପୃଥୀରାଜ ରାଜ୍ୟବାସୀଙ୍କୁ ବିବୃତି ଦିଅନ୍ତୁ ବୋଲି ବିଜେଡି ଦାବୀ କରିଛି।
