ପୂର୍ବତଟ ରେଳବାଇର ଘୋଷଣା, କେତେକ ଟ୍ରେନ ବାତିଲ ସହ ସମୟରେ ହେଲା ପରିବର୍ତ୍ତନ

ଭୁବନେଶ୍ବର: ପୂର୍ବତଟ ରେଳବାଇର କେତେକ ଲାଇନରେ ଆଧୁନିକକରଣ ପାଇଁ କେତେକ ଟ୍ରେନକୁ ଆଶିଂକ ବାତିଲ କରାଯାଇଛି। ସେହିପରି କେତେକ ଟ୍ରେନର ସମୟରେ ପରିବର୍ତ୍ତନ ସହିତ ରୁଟ ପରିବର୍ତ୍ତନ ମଧ୍ୟ କରାଯାଇଛି। ପୂର୍ବତଟ ରେଳପଥର ଘୋଷଣା ଅନୁଯାୟୀ ନିମ୍ନ ଟ୍ରେନରେ ହେଲା ପରିବର୍ତ୍ତନ।

ଟ୍ରେନର ସମୟରେ ସାମୟିକ ପରିବର୍ତନ :

● 24.05.2023 ଦିନ 20472 ପୁରୀ-ବିକାନେର ଏକ୍ସପ୍ରେସ ଏହାର ନିର୍ଧାରିତ ସମୟ ସକାଳ 06ଘ.35ମି. ପରିବର୍ତ୍ତେ ପୁରୀରୁ ସକାଳ 08ଘ.35ମି. ରେ ଛାଡିବ।

● 23.05.2023 ଦିନ 20917 ଇନ୍ଦୋର-ପୁରୀ ଏକ୍ସପ୍ରେସ ଇନ୍ଦୋରରୁ ଏହାର ନିର୍ଧାରିତ ସମୟ ଅପରାହ୍ନ 03ଘଟୀକା ପରିବର୍ତ୍ତେ ଇନ୍ଦୋରରୁ ସନ୍ଧ୍ୟା 05ଘଟିକାରେ ଛାଡିବ।

● 24.05.2023 ଦିନ 18311 ସମ୍ବଲପୁର-ବନାରସ ଦ୍ୱି-ସାପ୍ତାହିକ ଏକ୍ସପ୍ରେସ ସମ୍ବଲପୁରରୁ ଏହାର ନିର୍ଧାରିତ ସମୟ ଅପରାହ୍ନ 01ଘ.05ମି. ପରିବର୍ତ୍ତେ ଅପରାହ୍ନ 03ଘ.50ମି.ରେ ଛାଡିବ

● 23.05.2023 ଦିନ 18478 ଋଷିକେଶ-ପୁରୀ କଳିଙ୍ଗ ଉତ୍କଳ ଏକ୍ସପ୍ରେସ ଋଷିକେଶରୁ ସକାଳ 05ଘ.35ମି. ପରିବର୍ତ୍ତେ ପୂର୍ବାହ୍ନ 09ଘ.20ମି.ରେ ଛାଡିବ।

ଟ୍ରେନ୍ ବାତିଲ୍:

● 24.05.2023 ଦିନ ଉଭୟ ଦିଗରୁ 18125/18126 ରାଉରକେଲା-ପୁରୀ-ରାଉରକେଲା ଇଣ୍ଟର ସିଟି ଏକ୍ସପ୍ରେସ।

● 24.05.2023 ଦିନ ଉଭୟ ଦିଗରୁ 18107/18108 ରାଉରକେଲା-ଜଗଦଳପୁର-ରାଉରକେଲା ଇଣ୍ଟର ସିଟି ଏକ୍ସପ୍ରେସ।

ଟ୍ରେନର ଆଂଶିକ ବାତିଲ୍:

● 23.05.2023 ଦିନ ଏବଂ 25 ରୁ 30.05.2023 ମଧ୍ୟରେ 18125/18126 ରାଉରକେଲା-ପୁରୀ ରାଉରକେଲା ଏକ୍ସପ୍ରେସ ଉଭୟ ଦିଗରୁ ପୁରୀ ଏବଂ ସମ୍ବଲପୁର ମଧ୍ୟରେ ବାତିଲ ରହିବ।

● 23.05.2023 ରୁ 30.05.2023 ପର୍ଯ୍ୟନ୍ତ 12893/12894 ଭୁବନେଶ୍ୱର-ବଲାଙ୍ଗୀର-ଭୁବନେଶ୍ୱର ଇଣ୍ଟର ସିଟି ଏକ୍ସପ୍ରେସ ଉଭୟ ଦିଗରୁ ଜୁଜୋମୁରା ଏବଂ ବାଲାଙ୍ଗୀର ମଧ୍ୟରେ ବାତିଲ ରହିବ।

● 24.05.2023 ଦିନ ହାଓଡ଼ାରୁ ଛାଡ଼ିବାକୁଥିବା 12871 ହାଓଡ଼ା-ଟିଟିଲାଗଡ ଇସ୍ପାତ ଏକ୍ସପ୍ରେସ ଚକ୍ରଧରପୁର ପର୍ଯ୍ୟନ୍ତ ଯାତ୍ରା କରିବ ଏବଂ ଚକ୍ରଧରପୁରରୁ ହାଓଡ଼ାକୁ ଏକ ସ୍ୱତନ୍ତ୍ର ଟ୍ରେନ ଭାବରେ 22862 କାଣ୍ଟାବାଞ୍ଜୀ-ହାଓଡ଼ା ଇସ୍ପାତ ଏକ୍ସପ୍ରେସ ମାର୍ଗରେ ଫେରିବ।

● 24.05.2023 ଦିନ କାଣ୍ଟାବାଞ୍ଜୀରୁ 22862 କାଣ୍ଟାବାଞ୍ଜୀ-ହାଓଡ଼ା ଇସ୍ପାତ ଏକ୍ସପ୍ରେସ ଝାରସୁଗୁଡା ପର୍ଯ୍ୟନ୍ତ ଚାଲିବ ଏବଂ 12871 ହାଓଡ଼ା-ଟିଟିଲାଗଡ ଇସ୍ପାଟ ଏକ୍ସପ୍ରେସ ମାର୍ଗରେ ଝାରସୁଗୁଡାରୁ ଟିଟିଲାଗଡକୁ ଫେରିବ।

● 18452 ପୁରୀ-ହଟିଆ ତାପସ୍ୱିନୀ ଏକ୍ସପ୍ରେସ 23.05.2023 ରେ ସମ୍ବଲପୁର ପର୍ଯ୍ୟନ୍ତ ଚାଲିବ ଏବଂ 24.05.2023 ରେ 18451 ହଟିଆ-ପୁରୀ ତପସ୍ୱିନୀ ଏକ୍ସପ୍ରେସ ଭାବରେ ସମ୍ବଲପୁରରୁ ପୁରୀକୁ ଫେରିବ। 18451/18452 ପୁରୀ-ହଟିଆ-ପୁରୀ ତପସ୍ୱିନି ଏକ୍ସପ୍ରେସର ସେବା ସମ୍ବଲପୁର-ହାଟିଆ-ସମ୍ବଲପୁର ମଧ୍ୟରେ ଉଭୟ ଦିଗରୁ ବାତିଲ ହୋଇ ରହିବ।

ଟ୍ରେନର ଡାଇଭର୍ସନ:

● 20817/20818 ଭୁବନେଶ୍ୱର-ନୂଆଦିଲ୍ଲୀ-ଭୁବନେଶ୍ୱର ରାଜଧାନୀ ଏକ୍ସପ୍ରେସ 27.05.2023 ରେ ଭୁବନେଶ୍ୱରରୁ ଏବଂ 28.05.2023 ରେ ନୂଆଦିଲ୍ଲୀରୁ ଭୁବନେଶ୍ୱର-ଯଖପୁରା-ଜେରୋଲି-ରାଜଖରସୁଆଁ ମାର୍ଗ ଦେଇ ଯାତାୟାତ କରିବ ଏବଂ ଏହା ଭୁବନେଶ୍ୱର-ସମ୍ବଲପୁର ଶିରି-ଝାରସୁଗୁଡା ମାର୍ଗରେ ଯିବା ନାହିଁ।

● 20807 ବିଶାଖାପାଟନମ୍-ଅମୃତସର ହିରାକୁଦ୍ ଏକ୍ସପ୍ରେସ 27.05.2023 ରେ ବିଜୟନଗରମ-ଭୁବନେଶ୍ୱର-ସମ୍ବଲପୁର ପରିବର୍ତ୍ତେ ବିଜୟନଗରମ-ଟିଟିଲାଗଡ-ସମ୍ବଲପୁର ମାର୍ଗରେ ଯାତ୍ରା କରିବ।

ଟ୍ରେନର ନିୟନ୍ତ୍ରଣ :

● 23.05.2023 ରେ ବାଙ୍ଗାଲୋରରୁ ଛାଡ଼ିବାକୁଥିବା 12836 ବାଙ୍ଗାଲୋର-ହଟିଆ ଏକ୍ସପ୍ରେସ ଆଧୁନିକୀକରଣ କାର୍ଯ୍ୟ ପାଇଁ ଉପଯୁକ୍ତ ମାର୍ଗରେ ନିୟନ୍ତ୍ରିତ ହେବ।