ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସଂସଦର ନୂତନ ଭବନକୁ ଉଦଘାଟନ କରିଛନ୍ତି। କଂଗ୍ରେସ ସମେତ ଦେଶର ୨୦ ବିରୋଧୀ ଦଳ ନୂତନ ସଂସଦର ଉଦଘାଟନୀ ଉତ୍ସବକୁ ବର୍ଜନ କରିଛନ୍ତି। କିନ୍ତୁ ସଂସଦ ଗୃହକୁ ଏକ ଶବାଧାର ସହିତ ତୁଳନା କରିଥିବାରୁ ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱାଇସି ଆରଜେଡିକୁ ତୀବ୍ର ସମାଲୋଚନା କରିଛନ୍ତି। ନୂତନ ସଂସଦ ଗୃହ ସଂପର୍କରେ ଆରଜେଡି ଦ୍ୱାରା କରାଯାଇଥିବା ଟୁଇଟ୍ ବିରୋଧରେ ଅସଦୁଦ୍ଦିନ୍ ଓୱାଇସି କହିଛନ୍ତି ଯେ, ସେ କାହିଁକି ସଂସଦକୁ ଶବାଧାର ବୋଲି କହୁଛନ୍ତି, ସେମାନେ ଅନ୍ୟ କିଛି କହିପାରିଥାନ୍ତେ।
ଅସଦୁଦ୍ଦିନ ଓୱାଇସି ନ୍ୟୁଜ୍ ଏଜେନ୍ସି ANI କୁ କହିଛନ୍ତି ଯେ, “ଆରଜେଡିର କୌଣସି ଷ୍ଟାଣ୍ଡ ନାହିଁ। ନୂତନ ସଂସଦ ଗୃହର ଆବଶ୍ୟକତା ଥିଲା। ସବୁ ଜିନିଷରେ ବିରୋଧ ଠିକ୍ ନୁହେଁ। ପୁରୁଣା ସଂସଦ ଗୃହକୁ ଦିଲ୍ଲୀ ଅଗ୍ନିଶମ ସେବା ଅନୁମୋଦନ ମଧ୍ୟ ଦେଇ ନାହିଁ। ସେମାନେ (ଆରଜେଡି) କାହିଁକି ଶବଧାର କହୁଛନ୍ତି? ସେମାନେ ଅନ୍ୟ କିଛି କହିପାରିଥାନ୍ତେ।”
AIMIM ସାଂସଦ ଜୋର କରି କହିଥିଲେ ଯେ, ପ୍ରକୃତରେ ଏକ ନୂତନ କୋଠାର ଆବଶ୍ୟକତା ଥିଲା। ପୁରୁଣା ସଂସଦ ଗୃହରେ ଛାତର ଏକ ଅଂଶ ସ୍ୱର୍ଗତ ସମାଜବାଦୀ ପାର୍ଟି ମୁଖ୍ୟ ମୁଲାୟମ ସିଂ ଯାଦବଙ୍କ ଉପରେ ପଡ଼ିଥିଲା। ସେତେବେଳେ ବହୁତ ସମାଲୋଚନା କରାଯାଇଥିଲା।
ଅସଦୁଦ୍ଦିନ ଓୱାଇସି କହିଛନ୍ତି ଯେ, ଲୋକସଭା ବାଚସ୍ପତି ପ୍ରଧାନମନ୍ତ୍ରୀ ନୁହଁନ୍ତି ବରଂ ଲୋକସଭାର ରକ୍ଷକ ଅଟନ୍ତି ଏବଂ ଲୋକସଭା ଲୋକଙ୍କ ପାଇଁ ଉତ୍ତରଦାୟୀ ବୋଲି ସେ କହିଛନ୍ତି। ଯଦି ବାଚସ୍ପତି ଏହାକୁ ଉଦ୍ଘାଟନ କରିଥାନ୍ତେ ତେବେ ଭଲ ହୋଇଥାନ୍ତା। କିନ୍ତୁ ପ୍ରଧାନମନ୍ତ୍ରୀ ଦର୍ଶାଇବାକୁ ଚାହୁଁଛନ୍ତି ଯେ ସେ ସବୁକିଛି କରୁଛନ୍ତି ଏବଂ ଅନ୍ୟ କେହି କରିପାରିବେ ନାହିଁ। ଯେପରି ୨୦୧୪ ପୂର୍ବରୁ ଭାରତରେ କିଛି ହୋଇ ନଥିଲା, ଏବଂ ବର୍ତ୍ତମାନ ସବୁକିଛି ଘଟୁଛି।
ପ୍ରକାଶ ଥାଉ କି ଆଜି ନୂତନ ସଂସଦ ଗୃହର ଆକାରକୁ ଏକ କଫିନ୍ ସହିତ ତୁଳନା କରିଥିବାରୁ ରାଷ୍ଟ୍ରିୟ ଜନତା ଦଳ (ଆରଜେଡି) କୁ ଭାରତୀୟ ଜନତା ଦଳ (ବିଜେପି) ଟାର୍ଗେଟ କରିଛି। ଦଳ କହିଛି ଯେ, ଯେଉଁମାନେ ଏହି ଟ୍ୱିଟର ପୋଷ୍ଟ କରିଛନ୍ତି ସେମାନେ ଦେଶଦ୍ରୋହ ମାମଲାରେ ଦୋଷୀ ସାବ୍ୟସ୍ତ ହେବେ।