୨୦୨୦ ସୁଦ୍ଧା ଦେଶର ୮୪ଟି ବିମାନ ବନ୍ଦରରେ ସମ୍ପୂର୍ଣ୍ଣ ଶରୀର ସ୍କାନିଂ ବ୍ୟବସ୍ଥା ପରିଚାଳନା କରିବାର ଯୋଜନା ରଖିଛନ୍ତି କେନ୍ଦ୍ର ସରକାର। ବର୍ତ୍ତମାନ ଦେଶର ବିଭିନ୍ନ ବିମାନ ବନ୍ଦରରେ ମେଟାଲ ଡିଟେକ୍ଟର ଏବଂ ହାତର ସ୍କାନର ବ୍ୟବସ୍ଥା ରହିଥିବା ବେଳେ ୨୦୨୦ ସୁଦ୍ଧା ଏହି ବ୍ୟବସ୍ଥାକୁ ବଦଳାଇ ସମ୍ପୂର୍ଣ୍ଣ ଶରୀର ସ୍କାନର ବ୍ୟବସ୍ଥା ଲାଗୁ କରାଯିବ। ପୁରାତନ ସୁରକ୍ଷା ବ୍ୟବସ୍ଥା ଅନୁଯାୟୀ ନନ୍ ମେଟାଲିକ୍ ବିସ୍ଫୋରକ ପଦାର୍ଥ ଧରା ପଡୁ ନାହିଁ। ବିମାନ ଚଳାଚଳ ସୁରକ୍ଷା ପରିଷଦ (ବିସିଏଏସ୍) ପକ୍ଷରୁ ବସିଥିବା ସଚିବ ସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି। ଦେଶରେ ସମୁଦାୟ ୧୦୫ ବିମାନ ବନ୍ଦର ରହିଥିବା ବେଳେ ୨୮ଟି ଅତ୍ୟନ୍ତ ସମ୍ବେଦନଶୀଳ ଏବଂ ୫୬ ସମ୍ବେଦନଶୀଳ ବିମାନବନ୍ଦରରେ ମାର୍ଚ୍ଚ ୨୦୨୦ ସୁଦ୍ଧା ଏବଂ ଅନ୍ୟାନ୍ୟ ସମସ୍ତ ବିମାନ ବନ୍ଦରରେ ମାର୍ଚ୍ଚ ୨୦୨୧ ସୁଦ୍ଧା ଏହି ବ୍ୟବସ୍ଥା କାର୍ଯ୍ୟକାରୀ କରାଯିବ ବୋଲି ଜଣାପଡିଛି।
full body scanners in airports