ନୂଆଦିଲ୍ଲୀ: ଆଜି ୧୦ ହଜାରରୁ ଅଧିକ ଭକ୍ତଙ୍କ ଏକ ନୂତନ ବ୍ୟାଚ୍ ବାଲଟାଲ ଏବଂ ପହଲଗାମରୁ ଅମରନାଥ ଯାତ୍ରା ଆରମ୍ଭ କରିଛନ୍ତି। ଅଧିକାରୀ କହିଛନ୍ତି ଯେ, ଅମରନାଥଙ୍କ ପବିତ୍ର ଗୁମ୍ଫା ପରିଦର୍ଶନ କରୁଥିବା ମୋଟ ଭକ୍ତଙ୍କ ସଂଖ୍ୟା ଏକ ସପ୍ତାହ ମଧ୍ୟରେ ଏକ ଲକ୍ଷ ମାର୍କ ଅତିକ୍ରମ କରିବ। ଗତ ଦୁଇ ଦିନ ଧରି ପ୍ରାୟ ୧୦-୧୨ ହଜାର ତୀର୍ଥଯାତ୍ରୀ ପ୍ରତିଦିନ ପବିତ୍ର ଗୁମ୍ଫା ପରିଦର୍ଶନ କରୁଛନ୍ତି।
ଅମରନାଥ ଯାତ୍ରା ୨୦୨୩ ର ପ୍ରଥମ ୬ ଦିନ ମଧ୍ୟରେ ୭୦ ହଜାରରୁ ଅଧିକ ଲୋକ ପରିଦର୍ଶନ କରିଛନ୍ତି। ଯେଉଁଥିରେ ଭାରତୀୟ ନୌସେନାର ମୁଖ୍ୟ ଆଡମିରାଲ ରାଧାକ୍ରିଷ୍ଣନ୍ ହରି କୁମାର ମଧ୍ୟ ସାମିଲ ହୋଇଥିଲେ।
