କଲିକତା: ଉତ୍ତର ୨୪ ପରଗାନା ଜିଲ୍ଲାର ପୀରଗାଛା ଠାରେ ଜଣେ ସ୍ୱାଧୀନ ପ୍ରାର୍ଥୀଙ୍କ ବୁଥ ଏଜେଣ୍ଟ ଅବଦୁଲ୍ଲାଙ୍କୁ ହତ୍ୟା କରାଯାଇଛି। ଅଭିଯୁକ୍ତକୁ ଗିରଫ କରିବା ଦାବିରେ ଗ୍ରାମବାସୀ ଏକ ବିକ୍ଷୋଭ ପ୍ରଦର୍ଶନ କରିଛନ୍ତି ଏବଂ ହତ୍ୟା ପଛରେ ଟିଏମସି ପ୍ରାର୍ଥୀ ମୁନ୍ନା ବିବିଙ୍କ ସ୍ୱାମୀ ଅଛନ୍ତି ବୋଲି ଅଭିଯୋଗ ହୋଇଛି। ପୋଲିସ ଘଟଣାସ୍ଥଳରେ ଉପସ୍ଥିତ ଅଛନ୍ତି।
ପଶ୍ଚିମବଙ୍ଗ ପଞ୍ଚାୟତ ନିର୍ବାଚନରେ ସକାଳ ୯ ଟା ପର୍ଯ୍ୟନ୍ତ ୧୦.୨୬ ପ୍ରତିଶତ ମତଦାନ କରାଯାଇଛି। ରାଜ୍ୟରେ ତିନି ସ୍ତରୀୟ ପଞ୍ଚାୟତ ନିର୍ବାଚନ ପାଇଁ ସକାଳ ୭ ଟାରୁ ଭୋଟ୍ ଦିଆଯାଉଛି।
ପଶ୍ଚିମବଙ୍ଗ ପଞ୍ଚାୟତ ନିର୍ବାଚନରେ ହିଂସାକୁ ନେଇ ବିଜେପି ନେତା ସୁଦର୍ଶନ ତ୍ରିବେଦୀ ଟିଏମସିକୁ ଟାର୍ଗେଟ କରିଛନ୍ତି। ସେ କହିଛନ୍ତି, ୯୦ ଦଶକରେ ବିହାରରେ ଘଟିଥିବା ପରି ବଙ୍ଗଳାରେ ମଧ୍ୟ ସମାନ ଘଟଣା ଘଟୁଛି। ଆମ କର୍ମୀମାନଙ୍କୁ ହତ୍ୟା କରାଯାଉଛି। ବଙ୍ଗଳା ସରକାର ସିଧାସଳଖ ହିଂସା ଘଟାଉଛନ୍ତି। ବିଜେପି କର୍ମୀମାନେ ମଜବୁତରେ ଠିଆ ହୋଇଛନ୍ତି।
