କଲିକତା: ପଶ୍ଚିମବଙ୍ଗରେ ଅନୁଷ୍ଠିତ ପଞ୍ଚାୟତ ନିର୍ବାଚନରେ ତୃଣମୂଳ କଂଗ୍ରେସ (ଟିଏମସି) ଏକପାଖିଆ ବିଜୟ ହାସଲ କରିଛି। ଏହି ନିର୍ବାଚନରେ ଟିଏମସି ୩୩୧୭ ଟି ସିଟ୍ ମଧ୍ୟରୁ ମୋଟ ୨୫୫୨ ଟି ସିଟ୍ ଜିତିଛି। ଟିଏମସି ୨୩୨ ପଞ୍ଚାୟତ ସମିତି ଏବଂ ୨୦ ଟି ଜିଲ୍ଲା ପରିଷଦ ମଧ୍ୟରୁ ୧୨ ଟି ଜିତିଛି। ଭାରତୀୟ ଜନତା ଦଳ (ବିଜେପି) ଦ୍ୱିତୀୟ ସ୍ଥାନରେ ଥିବାବେଳେ ବିଜେପି ମୋଟ ୨୧୨ ଗ୍ରାମ ପଞ୍ଚାୟତ ଏବଂ ସାତୋଟି ପଞ୍ଚାୟତ ସମିତି ଜିତିଛି। ତେବେ ଜିଲ୍ଲା ପରିଷଦରେ ବିଜେପି ଖାତା ଖୋଲିପାରି ନାହିଁ। ଅନେକ ଆସନରେ ନିର୍ବାଚନ ଫଳାଫଳକୁ ଅପେକ୍ଷା କରାଯାଇଛି।
ପଞ୍ଚାୟତ ନିର୍ବାଚନରେ ଟିଏମସି ଚମତ୍କାର ପ୍ରଦର୍ଶନ ସମ୍ପର୍କରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଫେସବୁକରେ ଏକ ପୋଷ୍ଟ ଲେଖିଛନ୍ତି। ସେ ଲେଖିଛନ୍ତି ଯେ, ପଞ୍ଚାୟତ ନିର୍ବାଚନରେ ଟିଏମସିର ଭଲ ପ୍ରଦର୍ଶନ ରହିଛି। ଏହି ବିଜୟ ପାଇଁ ଆମେ ଜନସାଧାରଣଙ୍କୁ ଧନ୍ୟବାଦ ଦେଉଛୁ। ଏହି ପ୍ରେମ ଏବଂ ସମର୍ଥନ ପାଇଁ ଆମେ କୃତଜ୍ଞ। ଏହି ନିର୍ବାଚନ ଫଳାଫଳ ପ୍ରମାଣିତ କରିଛି ଯେ କେବଳ ଟିଏମସି ରାଜ୍ୟବାସୀଙ୍କ ହୃଦୟରେ ରହିଛି।
