ନୂଆଦିଲ୍ଲୀ: ସାତ୍ତ୍ଵିକ-ଚିରାଗଙ୍କ ଯୋଡି ପୁଣି ଥରେ କୋରିଆ ଓପନର ଫାଇନାଲରେ ଇଣ୍ଡୋନେସିଆର ଯୋଡି ଫଜର୍ ଆଲଫିଆନ୍ ଏବଂ ମହମ୍ମଦ ରିୟାନ୍ ଅର୍ଦିୟାନ୍ତୋଙ୍କୁ ପରାସ୍ତ କରି ଟାଇଟଲ୍ ଦଖଲ କରିଛନ୍ତି। ସାତ୍ତ୍ଵିକ-ଚିରାଗ ଶେଟ୍ଟୀ ପ୍ରଥମ ଗେମ୍ ୧୭-୨୧ ରେ ହାରିଥିଲେ ମଧ୍ୟ ଦ୍ୱିତୀୟ ଗେମ୍ ୨୧-୧୩ ରେ ଜିତି ମ୍ୟାଚକୁ ଫେରି ଆସିଥିଲେ। ନିର୍ଣ୍ଣାୟକ ଗେମରେ, ଭାରତୀୟ ଯୋଡି ଚମତ୍କାର ଖେଳି ୨୧-୧୪ ରେ ସମାପ୍ତ କରିଥିଲେ ଏବଂ ଟାଇଟଲ୍ ମଧ୍ୟ ଜିତିଥିଲେ। ଏହା ହେଉଛି ସାତ୍ତ୍ଵିକ-ଚିରାଗଙ୍କ ତୃତୀୟ ସୁପର ୫୦୦ ଟାଇଟଲ୍ ବିଜୟ।
