ନୂଆଦିଲ୍ଲୀ: ଅବତରଣ ବେଳେ ବିମାନର ଟାୟାରରେ ଭୀଷଣ ନିଆଁ ଲାଗିଥିବାର ଖବର ହସ୍ତଗତ ହୋଇଛି। ଏହା ପରେ ଡେଲଟା ଏୟାରଲାଇନ୍ସ ବିମାନରେ ଭୟର ବାତାବରଣ ସୃଷ୍ଟି ହୋଇଛି। ଘଟଣାଟି ଆଟଲାଣ୍ଟାର ହାର୍ଟସଫିଲ୍ଡ-ଜ୍ୟାକସନ ଅନ୍ତର୍ଜାତୀୟ ବିମାନବନ୍ଦରରେ ବୁଧବାର ଦିନ ଘଟିଛି। ବୋଷ୍ଟନରୁ ଉଡ଼ୁଥିବା ଏକ ଡେଲଟା ବିମାନ ଆଟଲାଣ୍ଟାରେ ଅବତରଣ କରିବା ସମୟରେ ଏହି ଦୁର୍ଘଟଣା ଘଟିଥିଲା। ଅବତରଣ ସମୟରେ ବିମାନର ଟାୟାର ବିସ୍ଫୋରଣ ହୋଇଥିଲା। କିନ୍ତୁ ବିମାନରେ ଥିବା ୧୯୦ ଜଣ ଯାତ୍ରୀଙ୍କୁ ସୁରକ୍ଷିତ ଭାବରେ ବାହାର କରାଯାଇଥିଲା। ଉଦ୍ଧାର କାର୍ଯ୍ୟରେ ମାତ୍ର ଜଣେ ଯାତ୍ରୀ ଆହତ ହୋଇଛନ୍ତି।
