ଭୁବନେଶ୍ବର: ଦୁଇଦିନିଆ ଓଡିଶା ଗସ୍ତରେ ଆସି ଗତକାଲି ଭୁବନେଶ୍ବରରେ ପହଞ୍ଚିଛନ୍ତି ଗୃହମନ୍ତ୍ରୀ ଅମିତ ସାହା। ସେ ଗତକାଲି ରାତି 12ଟାରେ ଭୁବନେଶ୍ବରର ବିମାନ ବନ୍ଦରରେ ପହଞ୍ଚିଥିଲେ। ସେଠାରେ ଦଳ ତରଫରୁ ତାଙ୍କୁ ସ୍ବାଗତ କରାଯାଇଥିଲା। ଏହାପରେ ସେ ହୋଟେଲ ମେ ଫେୟାରରେ ରାତ୍ରି ଯାପନ କରିଥିଲେ।
ଆଜି ଲୋକସେବା ଭବନ ପ୍ରେକ୍ଷାଳୟରେ ତାଙ୍କର ରହିଛି କାର୍ଯ୍ୟକ୍ରମ। ସେ ଭର୍ଚୁୟାଲ ମାଧ୍ୟମରେ ସୁକିନ୍ଦା କାମାକ୍ଷନଗର ଏବଂ ଚଣ୍ଡିଖୋଲ ଭଦ୍ରକ ଜାତୀୟ ରାଜପଥ ପ୍ରକଳ୍ପର ଉଦଘାଟନ କରିବେ। ସେହିଠାରେ ସାହା ନକ୍ସଲ ଦମନ ଏବଂ ପ୍ରାକୃତିକ ବିପର୍ଯ୍ୟୟ ପରିଚାଳନା ବୈଠକରେ ଯୋଗ ଦେବେ। ଏହି ସମସ୍ତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେବେ।
ଏହାପରେ ସାହା ରାଜ୍ୟ ବିଜେପି କାର୍ଯ୍ୟାଳୟ ଯାଇ ସେଠାରେ ଦଳର ବରିଷ୍ଠ ନେତାଙ୍କ ସହିତ କରିବେ ଋଦ୍ଧଦ୍ବାର ବୈଠକ। ସେଠାରୁ ସେ ବିମାନ ବନ୍ଦର ଯିବେ ଏବଂ ବିମାନବନ୍ଦର ଲାଉଞ୍ଜରେ ମଧ୍ୟ ଏକ ବୈଠକ କରି ନୂଆଦିଲ୍ଲୀ ଫେରିଯିବେ।
Tags: ଅମିତ ସାହା, ଓଡିଶାରେ ଅମିତ ସାହା
