ଭୁବନେଶ୍ଵର: ନୂତନ ଓ ନବୀକରଣ ଯୋଗ୍ୟ ଶକ୍ତି ଏବଂ ଶକ୍ତି ମନ୍ତ୍ରୀ ସୂଚନା ଦେଇଛନ୍ତି ଯେ, ନୂତନ ଏବଂ ନବୀକରଣ ଯୋଗ୍ୟ ଶକ୍ତି ମନ୍ତ୍ରଣାଳୟ ୧.୦୪.୨୦୨୧ରୁ ୩୧.୦୩.୨୦୨୬ ଅବଧି ପାଇଁ ୨୦୨୨ ନଭେମ୍ବରରେ ଜାତୀୟ ବାୟୋଏନର୍ଜୀ ପ୍ରୋଗ୍ରାମ (ଏନବିପି)କୁ ଅଧିସୂଚନା ଜାରି କରିଛି। ୧,୭୧୫ କୋଟି ଟଙ୍କାର ବଜେଟ ସହିତ ଏହି ପ୍ରୋଗ୍ରାମ ଦୁଇଟି ପର୍ଯ୍ୟାୟରେ କାର୍ଯ୍ୟକାରୀ ହେବ। ପ୍ରଥମ ପର୍ଯ୍ୟାୟରେ ୮୫୮ କୋଟି ଟଙ୍କାର ବଜେଟ ରହିଛି। ବାୟୋଏନର୍ଜୀ ପ୍ଲାଟ୍ ସ୍ଥାପନ ପାଇଁ ଏହି କାର୍ଯ୍ୟକ୍ରମ କେନ୍ଦ୍ରୀୟ ଆର୍ଥିକ ସହାୟତା (ସିଏଫଏ) ପ୍ରଦାନ କରେ।
୩୧.୦୭.୨୦୨୩ ସୁଦ୍ଧା ୬ଟି ବାୟୋସିଏନଜି ପ୍ଲାଣ୍ଟ ଏବଂ ୧୧,୧୪୩ ଛୋଟ ବାୟୋଗ୍ୟାସ୍ ପ୍ଲାଣ୍ଟକୁ କାର୍ଯ୍ୟକ୍ଷମ କରାଯାଇଛି, ଯାହା ପାଇଁ ଏନବିପି ମାର୍ଗଦର୍ଶିକା ଅଧୀନରେ ୦୨.୧୧.୨୦୨୨ରେ ମଞ୍ଜୁରି ନିମନ୍ତେ ଅଧିସୂଚନା ଜାରି ହୋଇଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକର ଏହି ପ୍ଲାଣ୍ଟ ବାବଦ ବିବରଣୀ ନିମ୍ନରେ ଦିଆଯାଇଛି।
କ୍ରମିକ ସଂଖ୍ୟା ରାଜ୍ୟ/କେନ୍ଦ୍ର ଶାସିତ ଅଞ୍ଚଳ ଏନବିପି ଗାଇଡଲାଇନ ଅନୁସାରେ ୨.୧୧.୨୦୨୨ରେ ଜାରି ହୋଇଥିବା ଅଧିସୂଚନା ଅନୁସାରେ କାର୍ଯ୍ୟକ୍ଷମ ଏବଂ ମଞ୍ଜୁରି ପାଇଥିବା ପ୍ଲାଣ୍ଟ୍ ସଂଖ୍ୟା
ଛୋଟ ବାୟୋଗ୍ୟାସ୍ ପ୍ଲାଣ୍ଟ ସଂଖ୍ୟା ବାୟୋସିଏନଜି ପ୍ଲାଣ୍ଟ ସଂଖ୍ୟା
୧. ଆନ୍ଧ୍ର ପ୍ରଦେଶ ୩୦ ୦
୨. ବିହାର ୯ ୦
୩. ଛତିଶଗଡ଼ ୧୧୮ ୦
୪. ଗୋଆ ୧୧ ୦
୫. ଗୁଜରାଟ ୨୨୪ ୦
୬. ହରିୟାଣା ୪୩ ୦
୭. କର୍ଣ୍ଣାଟକ ୨୪୮୮ ୦
୮. କେରଳ ୬୮୩ ୦
୯. ମଧ୍ୟପ୍ରଦେଶ ୨୦୮୩ ୦
୧୦. ମହାରାଷ୍ଟ୍ର ୪୧୬୭ ୩
୧୧. ଓଡ଼ିଶା ୯୬ ୦
୧୨. ପଞ୍ଜାବ ୮୩୫ ୧
୧୩. ରାଜସ୍ଥାନ ୨୦ ୦
୧୪. ତାମିଲନାଡ଼ୁ ୪୬ ୧
୧୫.ଉତ୍ତରପ୍ରଦେଶ ୧୨୬ ୧
୧୬. ଉତ୍ତରାଖଣ୍ଡ ୧୬୪ ୦
ମୋଟ ୧୧୧୪୩ ୬
ଜାତୀୟ ଜୈବଶକ୍ତି କାର୍ଯ୍ୟକ୍ରମ, ଶକ୍ତି ଉତ୍ପାଦନ ପାଇଁ ବାୟୋମାସର ଉପଯୋଗକୁ ପ୍ରୋତ୍ସାହିତ କରେ, ଯେପରିକି ଅତିରିକ୍ତ କୃଷି ଅବଶିଷ୍ଟାଂଶ, କୃଷିଭିତ୍ତିକ ଶିଳ୍ପ ଅବଶିଷ୍ଟାଂଶ, କାଠ ଶିଳ୍ପ ଆବର୍ଜନା, ଜଙ୍ଗଲ ଆବର୍ଜନା, ଏନର୍ଜୀ ପ୍ଲାଣ୍ଟେସନ ଆବର୍ଜନା ଆଦି ଏବଂ ଏଥିଯୋଗୁ ଜଙ୍ଗଲ ନଷ୍ଟର ଆଶଙ୍କା କମିଥାଏ ।
ଲୋକସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ୨୦୨୩ ଅଗଷ୍ଟ ୧୦ରେ କେନ୍ଦ୍ର ନୂତନ ତଥା ନବୀକରଣ ଯୋଗ୍ୟ ଶକ୍ତି ଏବଂ ଶକ୍ତି ମନ୍ତ୍ରୀ ଆର.କେ ସିଂ ଏହି ସୂଚନା ଦେଇଛନ୍ତି।