ଲୋକସଭା ନିର୍ବାଚନ ପରେ ଏନଡିଏ ସରକାର ପୂର୍ଣ୍ଣ ବହୁମତ ସହିତ କ୍ଷମତାକୁ ଫେରିଛି। ତେବେ କ୍ଷମତାକୁ ଆସିବା ପରେ ନୂଆ ସରକାର ଆମେରିକା ସହିତ ଏକ ବଡ଼ ଧରଣର ପ୍ରତିରକ୍ଷା ଚୁକ୍ତି କରିବା ସମ୍ଭାବନା ରହିଛି। ଭାରତ ଆମେରିକାଠାରୁ ନୌସେନା ହେଲିକପ୍ଟର କିଣିବା ପାଇଁ ୧୭ ହଜାର ୫୦୦ କୋଟି ଟଙ୍କାର ଚୁକ୍ତି କରିପାରେ ବୋଲି ଜଣାପଡିଛି। ନୌସେନାର ଆଧୁନିକୀକରଣ ସହ ସଂଶ୍ଳିଷ୍ଟ ଥିବା ୨ ଅଧିକାରୀ ନାମ ଗୋପନ ରଖି ଏହି ସୂଚନା ପ୍ରଦାନ କରିଛନ୍ତି। ଚୁକ୍ତି ଅନୁଯାୟୀ, ଭାରତ ଆମେରିକାଠାରୁ ୨୪ଟି ଲକ୍ହିଦ ମାର୍ଟିନ ସିକର୍ସ୍କି ଏମଏଚ-୬୦ଆର ହେଲିକପ୍ଟର କିଣିପାରେ। ଏହାଦ୍ବାରା ନୌସେନାର ଶକ୍ତି ବୃଦ୍ଧି ପାଇବ। ଆମେରିକା ସରକାରଙ୍କ ବିଦେଶୀ ବୈଷୟିକ କୌଶଳ ବିକ୍ରି କାର୍ଯ୍ୟକ୍ରମ ଅଧୀନରେ ଭାରତ ଏହି ଡିଲ୍ କରିବ। ନୌସେନାରେ ଥିବା ସି କିଙ୍ଗ ହେଲିକପ୍ଟର ୨୦ ବର୍ଷ ହେବ କାର୍ଯ୍ୟ କରୁନାହିଁ। ତେଣୁ ନୌସେନାର ସଞ୍ଚାଳନ ପାଇଁ ଏସବୁ ହେଲିକପ୍ଟର ବଦଳରେ ଏମଏଚ-୬୦ଆର କିଣାଯିବ।
17500 crore defence deal with usa