ଇଦ୍ ଉଲ୍ ଫିତରର ସକାଳରେ ଇଜିପ୍ଟରେ ଆଇଏସ୍ ଆତଙ୍କବାଦୀଙ୍କ ଆକ୍ରମଣରେ ୧୦ ପୋଲିସ୍ କର୍ମୀ ପ୍ରାଣ ହରାଇଛନ୍ତି। ଇଜିପ୍ଟର ଉତ୍ତର ଭାଗରେ ଅବସ୍ଥାପିତ ସିନାଇ ପେନିନ୍ସୁଲାରେ ଆତଙ୍କୀ ମାନେ ବୁଧବାର ଆକ୍ରମଣ କରିଥିଲେ। ଏହି ଆକ୍ରମଣରେ ଘଟଣା ସ୍ଥଳରେ ଉପସ୍ଥିତ ପୋଲିସ୍ ଅଧିକାରୀଙ୍କ ମଧ୍ୟରୁ ୧୦ ଜଣଙ୍କର ପ୍ରାଣହାନି ଘଟିଥିଲା ବୋଲି ଇଜିପ୍ଟ ସୁରକ୍ଷା ବିଭାଗ ପକ୍ଷରୁ ମିଳିଥିବା ସୂଚନାରୁ ସ୍ପଷ୍ଟ ହୋଇଛି। ଅଲ୍ ଆରିଶ୍ରେ ଇଦ୍ ପାଇଁ ପ୍ରାର୍ଥନା ଚାଲିଥିବା ବେଳେ ଆକ୍ରମଣ ଯୋଜନା କରିଥିଲେ ଆଇଏସ୍ ଆତଙ୍କୀ। ପୋଲିସ୍ କର୍ମୀଙ୍କୁ ହତ୍ୟା କରିବା ପରେ ହତିଆର ସହିତ ସହର ଆଡକୁ ବଢୁଥିବା ବେଳେ ଏକ ଯୁଦ୍ଧ ବିମାନ ଜରିଆରେ ଆତଙ୍କୀଙ୍କୁ ନିପାତ କରାଯାଇଥିଲା। ଆତଙ୍କୀଙ୍କ ଶବ ମିଳିନଥିବାରୁ ମୃତ ଆତଙ୍କୀଙ୍କ ସଂଖ୍ୟା ସ୍ପଷ୍ଟ ହୋଇ ନାହିଁ।
