ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଆଜି ଅପରାହ୍ନରେ ସାନଖେମୁଣ୍ଡି ନିର୍ବାଚନ ମଣ୍ଡଳୀରେ ୫ ଟି ସଚିବ ଭି କେ ପାଣ୍ଡିଆନ୍ ଙ୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ସାନଖେମୁଣ୍ଡି ବ୍ଳକ ଜଗନ୍ନାଥପୁର ଛକରେ ପାଣ୍ଡିଆନ୍ ବାବୁ ହେଲିକପ୍ଟର ରେ ଓଲ୍ହାଇ ଜିଲାପାଳ ଦିବ୍ୟଜ୍ୟୋତି ପରିଡ଼ା,ଡି ଆର୍ ଡି ଏ ପିଡି, ଗଞ୍ଜାମ ଏସ୍ ପି ଓ ବ୍ରହ୍ମପୁର ଉପଜିଲ୍ଲାପାଳ ଙ୍କ ଗହଣରେ ସଭାମଞ୍ଚ ନିକଟକୁ ଆସିଥିଲେ ଓ ଜିଲ୍ଲା ପରିଷଦ ଅଧ୍ୟକ୍ଷା ଅଞଳି ସ୍ବାଇଁ ଓ ଧରାକୋଟ ବ୍ଳକ ଅଧ୍ୟକ୍ଷା ସୁଲକ୍ଷଣା ଦେବୀ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ। ଏହା ପରେ ସେ କେବଳ ଏକମାତ୍ର ବ୍ୟକ୍ତି ଭାବେ ସଭାମଞ୍ଚ ଉପରକୁ ଯାଇ ଉପସ୍ଥିତ ସ୍ବୟଂ ସହାୟକ ଗୋଷ୍ଠୀ ମହିଳା, ଜନସାଧାରଣ ଓ ଛାତ୍ରଛାତ୍ରୀମାନଙ୍କୁ ନମସ୍କାର ଜଣାଇ ଜୟ ଜଗନ୍ନାଥ କହି ଉଦବୋଧନ ଦେଇଥିଲେ।
ଆଜିର ଏହି କାର୍ଯ୍ୟକ୍ରମ ରେ ୫ ହଜାର ରୁ ଅଧିକ ଲୋକଙ୍କ ସମାଗମ ହୋଇଥିଲା।
ସେ କହିଥିଲେ ଯେ ମାନ୍ୟବର ମୁଖ୍ୟମନ୍ତ୍ରୀ ଙ୍କ ନିଜ ଜିଲ୍ଲାର ବିକାଶ ପାଇଁ ନବୀନ ବାବୁ ଦ୍ରୁଢ ବଦ୍ଧ ପରିକର। ତାଙ୍କରି ନିର୍ଦ୍ଦେଶନାରେ ମୁଁ ଓଡ଼ିଶା ର ୩୦ ଜିଲ୍ଲା ଗସ୍ତ କରି ରାଜ୍ୟ ସରକାରଙ୍କ ପକ୍ଷରୁ ପ୍ରଦତ୍ତ ବିଭିନ୍ନ ଜନହିତକର କାର୍ଯ୍ୟ ଗୁଡ଼ିକୁ ସମୀକ୍ଷା କରିବା ପାଇଁ ଆସିଛି।ସାରା ରାଜ୍ୟରେ ସ୍ମାର୍ଟ ସ୍କୁଲ,କ୍ରୁଷି ର ବିକାଶ, ଜଳସେଚନ ବ୍ୟବସ୍ଥା ଓ ଶିକ୍ଷାର ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ସ୍ବପ୍ନ ରହିଛି ବୋଲି ଉଦବୋଧନ ଦେଇଥିଲେ। ଏଥିସହିତ ଧରାକୋଟ ଜଗନ୍ନାଥ ମନ୍ଦିର, ଅନନ୍ତ ନାରାୟଣ ଉଚ୍ଚ ମାଧ୍ୟମିକ ବିଦ୍ୟାଳୟ ଓ ସୋମାନାଥ ମହାବିଦ୍ୟାଳୟର ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ଦ୍ଵାରା ପ୍ରଦାନ ପାଣ୍ଠି ଘୋଷଣା କରିଥିଲେ।
ଆଜିର ଏହି କାର୍ଯ୍ୟକ୍ରମ ରେ ପାଟପୁର ଗାନ୍ଧୀ ଛକଠାରେ ବିଜେପି ଯୁବମୋର୍ଚ୍ଚା ପକ୍ଷରୁ ୫ ଟି ସଚିବ ଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଇଥିଲା।