ବାଲୁଗାଁ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଲୁଗାଁ ଅଞ୍ଚଳର ବିଶିଷ୍ଟ ସମାଜସେବୀ ସ୍ୱାଧୀନ କୁମାର ପଣ୍ଡାଙ୍କ ନାତୁଣୀ ତଥା ରାଜସ୍ଥାନ ଭିଉଆଡ଼ି ସହରର ଏକ ପବ୍ଲିକ ସ୍କୁଲର ଓଡ଼ିଆ ଛାତ୍ରୀ ଅକ୍ସିତା ପଣ୍ଡା ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରି ନିଜସ୍ୱ ଅଙ୍କିତ ଚିତ୍ର ଉପହାର ଦେଇଛନ୍ତି।
ରାଜସ୍ଥାନ ସ୍ଥିତ ୟୁରୋ ପବ୍ଲିକ ସ୍କୁଲର ଶିକ୍ଷୟତ୍ରୀ ସୌମ୍ୟା ସ୍ୱାଗତିକା ଦାଶ ଓ ଏକ ଫାର୍ମା କମ୍ପାନୀର ବୈଜ୍ଞାନିକ ଡ଼ ବିଜନ କୁମାର ପଣ୍ଡାଙ୍କ ଝିଅ ଅକ୍ସିତା ଷଷ୍ଠ ଶ୍ରେଣୀରେ ଅଧ୍ୟୟନ କରୁଥିବା ବେଳେ ନିଜ ସ୍କୁଲରେ ଚିତ୍ରକଳା, ଓଡିଶୀ ନୃତ୍ୟରେ ପାରଦର୍ଶିତା ଦେଖାଇ ବହୁବାର ପ୍ରଶଂସିତ ଓ ପୁରସ୍କୃତ ମଧ୍ୟ ହୋଇଛନ୍ତି।ଯାହାକି ଅମୃତ ମହୋତ୍ସବ କାଳରେ ନିଜ ପରିବାର ସହିତ ସୌଜନ୍ୟମୂଳକ ଭାବେ ରାଷ୍ଟ୍ରପତି ଭବନରେ ଯାଇ ରାଷ୍ଟ୍ରପତିଙ୍କୁ ସାକ୍ଷାତ କରିଥିଲେ। ନିଜର ପ୍ରସ୍ତୁତ ଚିତ୍ରକଳାକୁ ରାଷ୍ଟ୍ରପତିଙ୍କୁ ଉପହାର ଦେଇ ରାଷ୍ଟ୍ରପତିଙ୍କ ଠାରୁ ଆତିଥ୍ୟ ଓ ଆଶୀର୍ବାଦ ଲାଭ କରିଛନ୍ତି।
