ଭୁବନେଶ୍ବର: ରାଜ୍ୟ ସରକାର ବିଇଡି ଶିକ୍ଷକଙ୍କର ଛଅ ଦଫା ଦାବୀ ପୂରଣ ନ କଲେ ଆସନ୍ତା ବିଧାନସଭା ସଭା ଘେରାଉ କରାଯିବ। ଏ ନେଇ ବିଇଡି ଶିକ୍ଷକ ମହାସଂଘର ଏକ ଜରୁରୀ ବୈଠକରେ ନିଷ୍ପତି ଗ୍ରହଣ କରାଯାଇଛି। ଏଥିରେ କୁହାଯାଇଛି ଯେ, ବିଇଡି ଶିକ୍ଷକଙ୍କୁ ଉଚ୍ଚ ପ୍ରାଥମିକ ବିଦ୍ୟାଳୟ ଏବଂ ଉନ୍ନତ ଉଚ୍ଚ ବିଦ୍ୟାଳୟରେ ଶିକ୍ଷକ ଭାବେ ନିଯୁକ୍ତି ପ୍ରଦାନ ଦାବୀ କରାଯାଇଛି।
ଏ ନେଇ ଶିକ୍ଷକ ସଂଘ ତରଫରୁ ପୂର୍ବରୁ ରାଜ୍ୟ ସରକାରଙ୍କୁ ଲିଖିତ ଭାବେ ଦିଆଯାଇଥିଲେ ମଧ୍ୟ ସରକାର କୌଣସି ପଦକ୍ଷେପ ଗ୍ରହଣ କରି ନାହାଁନ୍ତି। ଯଦି ବିଧାନସଭା ପୂର୍ବରୁ ସରକାର ବିଇଡି ଶିକ୍ଷକ ସଂଘର ଦାବୀ ପୂରଣ ନ କରନ୍ତି ତେବେ ଶିକ୍ଷକମାନେ ରାଜରାସ୍ତାକୁ ଓହ୍ଲାଇବେ ବୋଲି ଧମକ ଦେଇଛନ୍ତି।