ଚଳିତ ଲୋକସଭାରେ କଂଗ୍ରେସର ବିପର୍ଯ୍ୟସ୍ତ ପରେ ରାଜସ୍ଥାନ କଂଗ୍ରେସରେ ମତଭେଦ ଏବେ ଚର୍ଚ୍ଚାକୁ ଆସିଛି। ରାଜ୍ୟରେ ଶାସନ କ୍ଷମତାରେ ଥିବା କଂଗ୍ରେସର ଜଣେ ବିଧାୟକ ଚଳିତ ନିର୍ବାଚନରେ ହାର ପାଇଁ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ଙ୍କୁ ଦାୟୀ କରିଛନ୍ତି। ଦଳର ବିଧାୟକ ପୃଥ୍ବୀରାଜ ମିଣା ଉପମୁଖ୍ୟମନ୍ତ୍ରୀ ସଚିନ୍ ପାଇଲଟଙ୍କୁ ମୁଖ୍ୟମନ୍ତ୍ରୀ ହେବାକୁ ଦାବି କରିଛନ୍ତି। ନିକଟରେ ଅଶୋକ ଗେହଲେଟ୍ ଯୋଧପୁର ଆସନରେ କଂଗ୍ରେସର ହାର ପାଇଁ ସଚିନ ପାଇଲଟ୍ ଦାୟୀ ରହିବା ଉଚିତ୍ ବୋଲି କହିବା ପରେ ଏହାକୁ ନେଇ ଦଳ ଭିତରେ ଭିନ୍ନ ଭିନ୍ନ ମନ୍ତବ୍ୟ ଆସୁଛି। ଚଳିତ ଲୋକସଭା ନିର୍ବାଚନରେ ରାଜସ୍ଥାନରେ କଂଗ୍ରେସକୁ ସମସ୍ତ ୨୫ଟି ଆସନରେ ହାରିବାକୁ ପଡିଛି। ଏହା ପରେ ଦଳରେ ଅନ୍ତଃକନ୍ଦଳ ଆରମ୍ଭ ହୋଇଯାଇଛି।
