ନୂଆଦିଲ୍ଲୀ: ସ୍ବଚ୍ଛତା ହିଁ ସେବାର ଅଂଶସ୍ବରୂପ କୋଇଲା ମନ୍ତ୍ରଣାଳୟ 2 ଅକ୍ଟୋବର 2023 ରେ ମହାତ୍ମା ଗାନ୍ଧୀଙ୍କ ଜୟନ୍ତୀର ପୂର୍ବ ସନ୍ଧ୍ୟାରେ ତାଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିବା ପାଇଁ 1 ଅକ୍ଟୋବରକୁ ଏକ ମହତ୍ତ୍ବପୂର୍ଣ୍ଣ ସ୍ବଚ୍ଛତା ଅଭିଯାନ ଆରମ୍ଭ କରିବା ପାଇଁ ପ୍ରସ୍ତୁତ ରହିଛି।
ପ୍ରସ୍ତୁତି ପର୍ଯ୍ୟାୟ ସମୟରେ, ମନ୍ତ୍ରଣାଳୟ ଦ୍ବାରା ସାର୍ବଜନିକ କୋଇଲା ଉପକ୍ରମର ଅଧିକାରୀମାନଙ୍କ ସକ୍ରିୟ ଭାଗିଦାରୀ ସହିତ ଏକ ଭର୍ଚୁଆଲ୍ ମିଟିଂ ଡକା ଯାଇଥିଲା। ଏହି ବୈଠକ ସମୟରେ, ସ୍ବଚ୍ଛତା କାର୍ଯ୍ୟ ଯୋଜନା, ସର୍ବୋତ୍ତମ ପ୍ରଥାର ଆଦାନ ପ୍ରଦାନ ଏବଂ ଏପର୍ଯ୍ୟନ୍ତ କରାଯାଇଥିବା କାର୍ଯ୍ୟ ଉପରେ ବ୍ୟାପକ ସମୀକ୍ଷା କରାଯାଇଥିଲା। ଏହି ବୈଠକର ଉଦ୍ଦେଶ୍ୟ 1 ଅକ୍ଟୋବର 2023 ରୁ କାର୍ଯ୍ୟକାରୀ ପର୍ଯ୍ୟାୟ ପାଇଁ ପ୍ରସ୍ତୁତି କରିବା।
ଏହା ବ୍ୟତୀତ ସ୍ବଚ୍ଛତା ହିଁ ସେବା ଅଭିଯାନ 2023 ଅନୁସାରେ ସ୍ବଚ୍ଛତା କାର୍ଯ୍ୟକୁ ଗୁରୁତ୍ବ ପ୍ରଦାନ କରୁଥିବା ବିସ୍ତୃତ ନିର୍ଦ୍ଦେଶାବଳୀକୁ ସାର୍ବଜନିକ କୋଇଲା ଉପକ୍ରମଗୁଡ଼ିକୁ ପଠାଇ ଦିଆଯାଇଛି। ସାର୍ବଜନିକ ସଚେତନତା ବୃଦ୍ଧି କରିବା ଓ ଭାଗିଦାରୀକୁ ଅଧିକରୁ ଅଧିକ କରିବା ପାଇଁ, କୋଇଲା ମନ୍ତ୍ରଣାଳୟ ଏକ ସଚେତନତା କାର୍ଯ୍ୟକ୍ରମର କରିଛି ଏବଂ ଏକ ମାନବ ଶୃଙ୍ଖଳର ଆୟୋଜନ ମଧ୍ୟ କରାଯାଇଛି।
ଏକ ପ୍ରମୁଖ କାର୍ଯ୍ୟକ୍ରମ ଅକ୍ଟୋବର 1 ତାରିଖ ସକାଳ 10:00 ରେ ଧାର୍ଯ୍ୟ କରାଯାଇଛି ଯେଉଁଠାରେ କୋଇଲା ମନ୍ତ୍ରଣାଳୟ ସ୍ବେଚ୍ଛାସେବୀମାନଙ୍କୁ ଏହି ଅଭିଯାନରେ ଏକ ଘଣ୍ଟା ‘ଶ୍ରମ ଦାନ’ କରିବାକୁ ଅନୁରୋଧ କରିଛି। ସଫା କରିବା ପାଇଁ ଅଧିକ ଧ୍ୟାନ ଆବର୍ଜନା-ଅସୁରକ୍ଷିତ ସ୍ଥାନ ଯଥା ରେଳ ଟ୍ରାକ୍, ରାସ୍ତା କଡ଼, ପୋଖରୀ, ବ୍ରିଜ୍ ତଳେ ଥିବା ବସ୍ତି, ବଜାର ସ୍ଥାନ, ଧାର୍ମିକ ଏବଂ ପର୍ଯ୍ୟଟନ ସ୍ଥାନ ଉପରେ ରହିବ। ଆମର ଆଖପାଖର ପରିଷ୍କାର ପରିଚ୍ଛନ୍ନତାକୁ ଦୃଶ୍ୟମାନ କରିବା ହେଉଛି ମୂଳ ଉଦ୍ଦେଶ୍ୟ । ପ୍ରସ୍ତୁତି ପର୍ଯ୍ୟାୟରେ ଦେଶବ୍ୟାପୀ ପ୍ରଚେଷ୍ଟା ପ୍ରତି ଉତ୍ସାହ ଉଲ୍ଲେଖନୀୟ ରହିଛି ଯେଉଁଥିରେ ସାରା ଦେଶର ଲୋକମାନେ ସକ୍ରିୟ ଭାବରେ ଅଂଶଗ୍ରହଣ କରୁଛନ୍ତି।
‘ସ୍ବଚ୍ଛତା ହିଁ ସେବା’ ଅଭିଯାନ ଅଧୀନରେ 100 ରୁ ଅଧିକ ସ୍ଥାନ ସମସ୍ତ କୋଇଲା ପିଏସୟୁ ଏବଂ ସେମାନଙ୍କ କ୍ଷେତ୍ର କାର୍ଯ୍ୟାଳୟ ଦ୍ୱାରା ଚିହ୍ନଟ କରାଯାଇଛି, ଯେଉଁଠାରେ 1 ଅକ୍ଟୋବରରେ ସ୍ୱଚ୍ଛତା କାର୍ଯ୍ୟ କରାଯିବ। ଏହି ବ୍ୟାପକ ଦେଶବ୍ୟାପୀ ପ୍ରଚେଷ୍ଟା ସାତଟି କୋଇଲା ବହୁଳ ରାଜ୍ୟକୁ ନିଜ ପରିସରରେ ସାମିଲ୍ କରିବ। କୋଇଲା ମନ୍ତ୍ରଣାଳୟ ଏହାର ପ୍ରଭାବୀ କାର୍ଯ୍ୟାନ୍ବୟନକୁ ସୁନିଶ୍ଚିତ କରିବା ପାଇଁ ଏହି ଦେଶବ୍ୟାପୀ ପ୍ରଚେଷ୍ଟାରେ ନିରନ୍ତର ଅନୁଧ୍ୟାନ ବଜାୟ ରଖିବ।
କୋଇଲା ମନ୍ତ୍ରଣାଳୟ ନାଗରିକମାନଙ୍କୁ ସ୍ୱଚ୍ଛତା ହିଁ ସେବା ଅଭିଯାନରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ଉତ୍ସାହିତ କରେ, ଯାହାଦ୍ୱାରା ଏକ ସ୍ୱଚ୍ଛ ପରିବେଶ ପ୍ରତି ଆମର ସାମୂହିକ ପ୍ରତିବଦ୍ଧତା ପ୍ରଦର୍ଶିତ ହୋଇପାରିବ।
