ବିଶ୍ବକପ୍ର ୧୧ତମ ମୁକାବିଲାରେ ପରସ୍ପରର ମୁକାବିଲା କରିବେ ପାକିସ୍ତାନ ଏବଂ ଶ୍ରୀଲଙ୍କା। ବ୍ରିଷ୍ଟଲର କଣ୍ଟ୍ରି ଗ୍ରାଉଣ୍ଡରେ ଶୁକ୍ରବାର ଦିନ ୩ଟାରେ ଏହି ମ୍ୟାଚ୍ ଖେଳାଯିବ। ଉଭୟ ଦଳ ନିଜର ପ୍ରଥମ ମ୍ୟାଚ୍ରେ ଶୋଚନୀୟ ଭାବରେ ପରାସ୍ତ ହୋଇଥିଲେ। ଦ୍ବତୀୟ ମ୍ୟାଚ୍ରେ ଉଭୟ ଦଳ ବିଜୟୀ ହୋଇଥିଲେ ମଧ୍ୟ ପାକିସ୍ତାନ ଘରୋଇ ଇଂଲଣ୍ଡକୁ ପରାସ୍ତ କରି ଦୃଢ ଆତ୍ମବିଶ୍ବାସରେ ରହିଛି। ଅପର ପକ୍ଷରେ ଶ୍ରୀଲଙ୍କା ଆଫଗାନିସ୍ତାନ ବିପକ୍ଷରେ ସଙ୍ଘର୍ଷ କରିଥିଲେ ମଧ୍ୟ ନୁଆନ ପ୍ରଦୀପଙ୍କ ୪ ଓ୍ବିକେଟ ହାସଲ ଦଳକୁ ବିଜୟୀ କରାଇ ଥିଲା। ପ୍ରଥମ ମ୍ୟାଚ୍ରେ ପାକିସ୍ତାନ ୧୦୫ରେ ଅଲଆଉଟ୍ ହୋଇଥିଲେ ମଧ୍ୟ ଦ୍ବିତୀୟ ମ୍ୟାଚ୍ରେ ପାକ୍ ବ୍ୟାଟ୍ସମ୍ୟାନ୍ ରନ୍ ସଂଗ୍ରହ କରିବା ସହିତ ୩୪୮ ରନ୍ ସଂଗ୍ରହ କରିଥିଲେ। ଏହି ମ୍ୟାଚ୍ରେ ବିଜୟୀ ହେବା ସହିତ ଦଳ ନିଜର ୧୧ ମ୍ୟାଚ୍ ପରାଜୟ ଧାରା ଭାଙ୍ଗିଥିଲା। ପାକିସ୍ତାନ ଦଳରେ ମହମ୍ମଦ ଆମିର ଏବଂ ଓ୍ବାହାବ ରିଆଜ୍ଙ୍କ ପରି ଅଭିଜ୍ଞ ଦ୍ରୁତ ବୋଲର ମଧ୍ୟ ରହିଛନ୍ତି ଯିଏ ମ୍ୟାଚ୍ର ରୂପରେଖ ବଦଳାଇବାରେ ଧୂରନ୍ଧର। ନିଜର ଦୁଇ ମ୍ୟାଚ୍ରେ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବା ଶ୍ରୀଲଙ୍କା ଆଫଗାନ ବିପକ୍ଷ ବିଜୟ ପରେ ନିଜର ବିଜୟ ଧାରା ବଜାୟ ରଖିବାକୁ ଉଦ୍ୟମ କରିବ। ବ୍ରିଷ୍ଟଲ ପଡିଆରେ ସର୍ବଦା ହାଇସ୍କୋରିଂ ମ୍ୟାଚ୍ ଦେଖିବାକୁକ ମିଳିଥାଏ। ଓ୍ବାର୍ମଅପ୍ ମ୍ୟାଚ୍ରେ ଦୁଇଥର ୩୯୦ରୁ ଅଧିକ ରନ୍ ସଂଗୃହୀତ ହୋଇଥିଲା। ପାକିସ୍ତାନ ପକ୍ଷରୁ ଫକର ଜମାନ, ମହମ୍ମଦ ହଫିଜ୍, ମହମ୍ମଦ ଆମିର ଏବଂ ଓ୍ବାହାବ ରିଆଜ୍ଙ୍କ ଉପରେ ସମସ୍ତଙ୍କ ଗନଜର ରହିବ ସେହିପରି ଶ୍ରୀଲଙ୍କା ଖେଳାଳିଙ୍କ ମଧ୍ୟରେ ଦିମୁ୍ଥ କରୁଣାରତ୍ନେ, କୁଶାଲ ପରେରା ଏବଂ ଆଞ୍ଜେଲୋ ମାଥ୍ୟୁସ୍ଙ୍କ ଉପରେ ସମସ୍ତଙ୍କ ନଜର ରହିବ। ମ୍ୟାଚ୍ ବ୍ରିଷ୍ଟଲ କଣ୍ଟ୍ରି ଗ୍ରାଉଣ୍ଡରେ ଦିନ ତିନିଟା ସମୟରେ ଅନୁଷ୍ଠିତ ହେବ।
ସ୍ଥାନ : ବ୍ରିଷ୍ଟଲ କଣ୍ଟ୍ରି ଗ୍ରାଉଣ୍ଡ
ସମୟ : ଅପରାହ୍ନ୩.୦୦
