ବାଣପୁର (ସୀତାରାମ ଅଗ୍ରୱାଲ): ଷ୍ଟାନ୍ଫୋର୍ଡ ବିଶ୍ୱବିଦ୍ୟାଳୟ ଏବଂ ଏଲସେଭିଆର୍ ମିଳିତ ପ୍ରସ୍ତୁତ ସମ୍ମାନଜନକ ବିଶ୍ୱର ଶ୍ରେଷ୍ଠ ଦୁଇ ପ୍ରତିଶତ ଗବେଷକଙ୍କ ତାଲିକାରେ ବାଣପୁର ଉଦୀୟମାନ ଯୁବ ବୈଜ୍ଞାନିକ ତଥା ଗୋଦାବରୀଶ ମହାବିଦ୍ୟାଳୟ ପୂର୍ବତନ ଛାତ୍ର ଡ. ଶଶାଙ୍କ ଶେଖର ସ୍ୱାଇଁ ସ୍ଥାନିତ ହେବା ମାଟି ପାଇଁ ଗର୍ବ ଆଣିଛନ୍ତି। ଔଷଧ ଗବେଷଣା ଏବଂ ଜୈବ ପ୍ରଯୁକ୍ତିତଥ୍ୟବିଦ୍ୟାରେ ଉଚ୍ଚକୋଟିର ଅନୁସନ୍ଧାନ ପତ୍ରିକା ଆନ୍ତର୍ଜାତୀୟ ସ୍ତରରେ ପ୍ରଶଂସନୀୟ ହେବା ସହ ଅତି କମ ବୟସରେ ପ୍ରଥମ ଥର ପାଇଁ ଚଳିତ ବର୍ଷ ଏହି ବିଶ୍ୱ ତାଲିକାରେ ସ୍ଥାନ ପାଇଛନ୍ତି।
ସେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ‘ଏକଡାଳିଆ’ ଗ୍ରାମର ବ୍ରଜ କିଶୋରେ ସ୍ୱାଇଁ ଙ୍ କନିଷ୍ଠ ପୁତ୍ର ଏବଂ ଭୁବନେଶ୍ୱର ନିବାସୀ ଲକ୍ଷ୍ମୀଧର ସାହୁଙ୍କ ଜାମାତା ଅଟନ୍ତି। ବର୍ତ୍ତମାନ, ସେ ଆଧୁନିକ ବିଜ୍ଞାନ ପାଇଁ ପ୍ରାକୃତିକ ଉତ୍ପାଦ ଭିତ୍ତିକ ଔଷଧ ଏବଂ ନାନୋମେଡିସିନ୍ ପ୍ରୟୋଗ କ୍ଷେତ୍ରରେ ଭୁବନେଶ୍ୱର ସ୍ଥିତ ‘ଡିବିଟି-ଜୀବ ବିଜ୍ଞାନ ସଂସ୍ଥାନ’ ରେ ଯୁବ ବୈଜ୍ଞାନିକ ଭାବେ ଗବେଷଣା ଜାରି ରଖିଛନ୍ତି।
ସେ ଅନେକ ଜାତୀୟସ୍ତରିୟ ଏବଂ ଆନ୍ତର୍ଜାତୀୟ ପୁରସ୍କାର ଲାଭ କରିବା ସହ ଅନେକ ଖ୍ୟାତିସମ୍ପର୍ଣ ଆନ୍ତର୍ଜାତୀୟ ଅନୁସନ୍ଧାନ ଅନୁଷ୍ଠାନ ରେ ଜଣେ ସକ୍ରିୟ ଏବଂ ଖ୍ୟାତିସମ୍ପନ୍ନ ପତ୍ରିକାର ସମ୍ପାଦକୀୟ ବୋର୍ଡ ସଦସ୍ୟ କାର୍ଯ୍ୟରତ ଅଛନ୍ତି। ଡ. ସ୍ୱାଇଁ ସମସ୍ତ ଶ୍ରେୟ ନିଜ ଗବେଷଣା ମାର୍ଗଦର୍ଶକ, ପରାମର୍ଶଦାତା, ନିର୍ଦ୍ଦେଶକ ସମେତ ନିଜର ପତ୍ନୀ, ପରିବାର ବର୍ଗ ଏବଂ ଶୁଭାକାଂକ୍ଷୀ ଙ୍କୁ ଦେଇଛନ୍ତି।
