ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅନ୍ତର୍ଗତ କମାପଲ୍ଲୀ ବୈଦ୍ୟନାଥ ନଗର ଠାରେ ଭଡ଼ା ଘରେ ରହୁଥିବା ଜଣେ ଛାତ୍ରର ମୃତ ଦେହ ଉଦ୍ଧାର କରାଯାଇଛି। ମୃତ ଛାତ୍ର ଜଣକ ବ୍ରହ୍ମପୁର ପଲିଟେକନିକ୍ ଅନୁଷ୍ଠାନର ମେକାନିକାଲ ବିଭାଗର ଛାତ୍ର ଓ ତାଙ୍କର ନାମ ସାଗର ବେହେରା ବୋଲି ଜଣାପଡିଛି।
ସେ ଅନ୍ୟ ଜଣେ ସାଙ୍ଗ ସହିତ ଏକ ଭଡ଼ା ଘରେ ରହୁଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଛାତ୍ର ମୃତ୍ୟୁର କାରଣ ଜଣାପଡ଼ିନାହିଁ।
