ନୂଆଦିଲ୍ଲୀ: ଶନିବାର ଦିନ ହୋଇଥିବା ଆକ୍ରମଣ ପରେ ଇସ୍ରାଏଲ ଗାଜାରେ ହମାସ ଠିକଣାକୁ କ୍ରମାଗତ ଭାବେ ଟାର୍ଗେଟ କରୁଛି। ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ନିଶ୍ଚିତ କରିସାରିଛନ୍ତି ଯେ, ଇସ୍ରାଏଲ୍ ସେନା ହମାସ ଆତଙ୍କବାଦୀଙ୍କୁ ଗୋଟି ଗୋଟି କରି ଶେଷ କରିବେ। ଏଭଳି ପରିସ୍ଥିତିରେ ସୋସିଆଲ ମିଡିଆ ପ୍ଲାଟଫର୍ମ X ରେ ଇସ୍ରାଏଲ୍ ସେନା ମଧ୍ୟ ଏହାର କାର୍ଯ୍ୟର ଭିଡିଓ ସେୟାର କରୁଛି। ବର୍ତ୍ତମାନ ଇସ୍ରାଏଲର ସୁରକ୍ଷା ବାହିନୀ ଦାବି କରିଛନ୍ତି ଯେ, ସେମାନେ ହମାସ କବଳରୁ ପ୍ରାୟ ୨୫୦ ବନ୍ଧକଙ୍କୁ ଜୀବନ୍ତ ଉଦ୍ଧାର କରିଛନ୍ତି।
ସୂଚନାଯୋଗ୍ୟ ଯେ, ହମାସ୍ ଅନେକ ଇସ୍ରାଏଲ୍ ଲୋକଙ୍କୁ ବନ୍ଧକ ରଖିଥିଲେ, ଯେଉଁମାନଙ୍କ ପାଇଁ ଇସ୍ରାଏଲ୍ କ୍ରମାଗତ ଭାବରେ ଚାପ ପ୍ରୟୋଗ କରୁଛି। ଏଭଳି ପରିସ୍ଥିତିରେ ସୋସିଆଲ ମିଡିଆରେ ଇସ୍ରାଏଲ୍ ସେନାର କାର୍ଯ୍ୟାନୁଷ୍ଠାନର ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ଟ୍ୱିଟରରେ ପୋଷ୍ଟ କରି ଇସ୍ରାଏଲ ପ୍ରତିରକ୍ଷା ବାହିନୀ ଲେଖିଛନ୍ତି ଯେ, “ଅକ୍ଟୋବର ୭ ରେ ସୁଫା ସାମରିକ ପୋଷ୍ଟର ନିୟନ୍ତ୍ରଣ ହାସଲ କରିବା ପାଇଁ ମିଳିତ ପ୍ରୟାସରେ ଫ୍ଲୋଟିଲା ୧୩ ସ୍ପେଶାଲ ୟୁନିଟ୍ ଗାଜା ସୁରକ୍ଷା ବାଡ଼ର ଚାରିପାଖରେ ନିୟୋଜିତ ହୋଇଥିଲା। ପ୍ରାୟ ୨୫୦ ଜଣ ବନ୍ଧକଙ୍କୁ ଜୀବନ୍ତ ଉଦ୍ଧାର କରାଯାଇଛି। ଏହା ସହିତ ଏହି ଅପରେସନରେ ୬୦ରୁ ଅଧିକ ହମାସ ଯୋଦ୍ଧା ନିହତ ହୋଇଛନ୍ତି ଏବଂ ୨୬ ଜଣ ଜୀବନ୍ତ କଏଦ ହୋଇଛନ୍ତି। ହାମାସ ସାଉଥ ନୌସେନା ଡିଭିଜନର ଡେପୁଟି କମାଣ୍ଡର ମହମ୍ମଦ ଅବୁ ଅଲି ମଧ୍ୟ ଆତଙ୍କବାଦୀଙ୍କ ମଧ୍ୟରେ ଅନ୍ତର୍ଭୁକ୍ତ।
The Flotilla 13 elite unit was deployed to the area surrounding the Gaza security fence in a joint effort to regain control of the Sufa military post on October 7th.
The soldiers rescued around 250 hostages alive.
60+ Hamas terrorists were neutralized and 26 were… pic.twitter.com/DWdHKZgdLw
— Israel Defense Forces (@IDF) October 12, 2023
ପ୍ରାୟ ଏକ ମିନିଟର ଏହି ଭିଡିଓରେ ଇସ୍ରାଏଲ୍ ସୁରକ୍ଷା ବାହିନୀ ଗୁଳି ବିନିମୟରେ ପ୍ରତିଶୋଧ ନେଉଥିବାର ଦେଖିବାକୁ ମିଳିଛି। ଭିଡିଓରେ, ଇସ୍ରାଏଲର ଏକ ସୈନିକ ଏକ କୋଠା ଭିତରକୁ ଯାଉଥିବା ଦେଖିବାକୁ ମିଳିଛି। ଏହି ସମୟ ମଧ୍ୟରେ ସୈନିକମାନେ ମଧ୍ୟ ଗୁଳି ଚଳାଉଛନ୍ତି। ଏହା କରିବାବେଳେ ସୈନିକମାନେ ବଙ୍କରରେ ପ୍ରବେଶ କରି ବନ୍ଧକମାନଙ୍କୁ ଉଦ୍ଧାର କରିଥିଲେ।