ଭୁବନେଶ୍ବର: ଆସନ୍ତାକାଲିଠାରୁ ରାଜ୍ୟର ସମସ୍ତ ଘରୋଇ ବସ ଚଳାଚଳ ବନ୍ଦ ରହିବ। ଏ ନେଇ ଘରୋଇ ବସ ମାଲିକ ସଂଘ ଘୋଷଣା କରିଛି। ଫଳରେ ଯେଉଁମାନେ ବସରେ ଯିବାଆସିବା କରୁଛନ୍ତି ସେମାନେ ଆଜିଠାରୁ ବିକଳ୍ପ ବ୍ୟବସ୍ଥା କରି ନେବା ଉଚିତ। ଆସନ୍ତାକାଲି ସକାଳ 6 ଟାରୁ ଏହି ବସ ଧର୍ମଘଟ ଆରମ୍ଭ ହେବ। ତେବେ ଏହା ଅନିର୍ଦ୍ଧିଷ୍ଠ ସମୟ ପାଇଁ ହେବ ବୋଲି ସଂଘ କହିଛି।
ପୂର୍ବରୁ ବସ ଧର୍ମଘଟ କରିବା ପାଇଁ ସଂଘ ଘୋଷଣା କରିଥିଲା। ହେଲେ ରାଜ୍ୟ ସରକାରଙ୍କ ସହିତ କଥାବାର୍ତ୍ତା ପରେ ତାହା ସ୍ଥଗିତ ରଖାଯାଇଥିଲା। ମୁଖ୍ୟତଃ ରାଜ୍ୟ ସରକାର ଲକ୍ଷ୍ମୀ ବଲ ଯୋଜନାକୁ ସଂଘ ବିରୋଧ କରୁଛି। ସେମାନଙ୍କର ଦାବୀ ହେଲା ଯେ, ସେହି ଯୋଜନାରେ ଘରୋଇ ବସକୁ ମଧ୍ୟ ସାମିଲ କରାଯାଉ। ସରକାର ଏଥିରେ ପ୍ରତିଶୃତି ଦେଇଥିଲେ ମଧ୍ୟ ତାହା ଲିଖିତ ଭାବେ ନ ଜଣାଇବାରୁ ସଂଘ ଶୁକ୍ରବାରରୁ ଧର୍ମଘଟ କରିବ ବୋଲି ଘୋଷଣା କରିଛି।
