ଆସାମର ଜୋରାହାଟରୁ ଅରୁଣାଚଳ ପାଇଁ ଉଡ଼ାଣ ଭରିବା ପରେ ନିଖୋଜ ବାୟୁସେନାର ଏଏନ-୩୨ ବିମାନର ଏପର୍ଯ୍ୟନ୍ତ କୌଣସି ସନ୍ଧାନ ମିଳିନାହିଁ। ବାୟୁସେନା ପକ୍ଷରୁ ସର୍ଚ୍ଚଅପରେସନ ଜାରି ରହିଛି। ଏଥିରେ ୮ ଯବାନ ସମେତ ୧୩ ଜଣ ଥିଲେ। ନିଖୋଜଙ୍କ ମଧ୍ୟରେ ଜଣେ ଓଡ଼ିଆ ପାଇଲ୍ଟ ରହିଛନ୍ତି। ଗଞ୍ଜାମର ଲେଫ୍ଟନାଟ ସୁନୀତ୍ ମହାନ୍ତି ନିଖୋଜ ରହିଛନ୍ତି ବୋଲି ସୂଚନା ମିଳିଛି। ନିଖୋଜ ବିମାନକୁ ଖୋଜିବା ପାଇଁ ଉପଗ୍ରହ ଓ ଅନ୍ୟ ସାଧନର ବ୍ୟବହାର କରାଯାଉଛି। ଏହା ବ୍ୟତୀତ ଏସୟୁ-୩୦, ସି-୧୩୦ଜେ ବିମାନ ମଧ୍ୟ ସର୍ଚ୍ଚ ଅପରେସନକୁ ନିୟୋଜିତ କରାଯାଇଛି।
