ନୂଆଦିଲ୍ଲୀ: ମୁସଲମାନ ଛାତ୍ରୀମାନଙ୍କୁ କର୍ଣ୍ଣାଟକର ସମସ୍ତ ପରୀକ୍ଷାରେ ହିଜାବରେ ହାଜର ହେବାକୁ ଅନୁମତି ଦିଆଯିବ। କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମେୟାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ଏହି ନିଷ୍ପତ୍ତି ନିଆଯାଇଛି। ରାଜ୍ୟ ଶିକ୍ଷା ମନ୍ତ୍ରୀ ଏମସି ସୁଧାକର ଏ ସମ୍ପର୍କରେ ଘୋଷଣା କରିଛନ୍ତି।
ଶିକ୍ଷା ମନ୍ତ୍ରୀ ସୁଧାକର କହିଛନ୍ତି ଯେ, ରାଜ୍ୟରେ କଂଗ୍ରେସ ସରକାର ଗଠନ ପରେ ମୁଖ୍ୟମନ୍ତ୍ରୀ ସିଦ୍ଧରମେୟାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କର୍ଣ୍ଣାଟକର ମୁସଲମାନ ଛାତ୍ରୀମାନଙ୍କୁ ହିଜାବ ପିନ୍ଧି ସମସ୍ତ ପରୀକ୍ଷାରେ ହାଜର ହେବାକୁ ଅନୁମତି ଦିଆଯାଇଛି।
ସମସ୍ତ ପରୀକ୍ଷାରେ ହିଜାବ ପିନ୍ଧିବାକୁ ଅନୁମତି:
ନ୍ୟୁଜ୍ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ ସେ କହିଛନ୍ତି ଯେ କର୍ଣ୍ଣାଟକରେ କେବଳ ସ୍କୁଲ ଏବଂ କଲେଜ ପରୀକ୍ଷାରେ ନୁହେଁ, ସମସ୍ତ ପ୍ରତିଯୋଗିତାମୂଳକ ପରୀକ୍ଷାରେ ମଧ୍ୟ ଛାତ୍ରୀମାନଙ୍କୁ ହିଜାବ ପିନ୍ଧି ପରୀକ୍ଷାରେ ହାଜର ହେବାକୁ ଅନୁମତି ଦିଆଯାଇଛି। ମହିଳାମାନଙ୍କୁ ହିଜାବ ପିନ୍ଧି NEET ପରୀକ୍ଷା ଦେବାକୁ କେନ୍ଦ୍ର ସରକାର ଅନୁମତି ଦେଇସାରିଛନ୍ତି, ତେଣୁ କଂଗ୍ରେସ ସରକାରଙ୍କ ନିଷ୍ପତ୍ତି କୌଣସି ପ୍ରକାରେ ଭୁଲ ନୁହେଁ।
ଏହି ସମୟରେ ହିନ୍ଦୁ ସଂଗଠନ ଏହାକୁ ବିରୋଧ କରିବାକୁ ଘୋଷଣା କରିଥିଲେ। ସୂଚନାଯୋଗ୍ୟ ଯେ, ଗତ ବର୍ଷ ଜାନୁଆରୀରେ ଉଦୁପି ଜିଲ୍ଲାର ଏକ ସରକାରୀ ଉଚ୍ଚ ବିଦ୍ୟାଳୟରେ ହିଜାବ ପିନ୍ଧିଥିବା ୬ ଜଣ ଛାତ୍ରୀଙ୍କୁ ସ୍କୁଲ ଆସିବା ବନ୍ଦ କରାଯାଇଥିଲା।
ଏହା ପରେ କର୍ଣ୍ଣାଟକରେ ହିଜାବକୁ ନେଇ ଏକ ବଡ ବିବାଦ ଦେଖାଦେଇଥିଲା ଏବଂ କର୍ଣ୍ଣାଟକ ସରକାର ଝିଅମାନଙ୍କୁ ବିଦ୍ୟାଳୟରେ ହିଜାବ ପିନ୍ଧିବାକୁ ବାରଣ କରିଥିଲେ। କର୍ଣ୍ଣାଟକ ସରକାରଙ୍କ ନିଷ୍ପତ୍ତିକୁ ନେଇ ସାରା ରାଜ୍ୟରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ଏବଂ ଏହି ମାମଲା ହାଇକୋର୍ଟରେ ପହଞ୍ଚିଥିଲା ଯେଉଁଠାରେ ଶ୍ରେଣୀଗୃହ ଭିତରେ ହିଜାବ ଉପରେ ପ୍ରତିବନ୍ଧକ ହଟାଇବାକୁ କୋର୍ଟ ଆବେଦନକୁ ପ୍ରଖାରଜ କରିଥିଲେ। ଏହା ପରେ ସୁପ୍ରିମକୋର୍ଟରେ ମାମଲା ରୁଜୁ ହୋଇଥିଲା।