ସମସ୍ତ ପ୍ରତୀକ୍ଷାର ଅନ୍ତ ଘଟାଇ ମୌସୁମୀ ଆଜି କେରଳ ଛୁଇଁଛି । ଭାରତୀୟ ପାଣିପାଗ ବିଭାଗ ଏନେଇ ସ୍ପଷ୍ଟ କରିଛି । ଏନେଇ ରାଜ୍ୟରେ କିଛି ସ୍ଥାନରେ ବର୍ଷା ମଧ୍ୟ ହୋଇଯାଇଛି । ରାଜଧାନୀ ତିରୁବନ୍ତପୁରମ ସହ ୪ଟି ଜିଲ୍ଲାରେ ରେଡ୍ ଆଲର୍ଟ ଜାରି କରାଯାଇଛି । ଏହାସହ ଜୁନ ୯,୧୦ ଏବଂ ୧୧ରେ କେରଳର ତ୍ରିଶୁର, ଏର୍ଣ୍ଣାକୁଲମ, ମଲପୁରମ, କାଝିକୋଡ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଆଗାମୀ ୪୮ ଘଂଟାରେ ରାଜ୍ୟର ପ୍ରାୟ ସମସ୍ତ ଅଂଚଳରେ ବର୍ଷା ହେବ । ୨୦୧୪ରେ ମୌସୁମୀ ଜୁନ ୫, ୨୦୧୫ରେ ଜୁନ ୬, ୨୦୧୬ରେ ଜୁନ ୮, ୨୦୧୮ରେ ମେ ୨୯ରେ ମୌସୁମୀ କେରଳ ଛୁଇଁଥିଲା । ତେବେ ଆସନ୍ତା ୭ ଦିନ ଭିତରେ ଓଡ଼ିଶାରେ ମୌସୁମୀ ପହଞ୍ଚିବ ବୋଲି ପାଣିପାଗ ବିଭାଗ ତରଫରୁ ସୂଚନା ରହିଛି ।
Tags:
