ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷରେ ବିରାଟ କୋହଲି ଏକ ଚମତ୍କାର ଶତକ ହାସଲ କରିଛନ୍ତି। ବିରାଟ କୋହଲିଙ୍କ ODI କ୍ୟାରିୟରର ଏହା ହେଉଛି ୪୯ ତମ ଶତକ। ଏହିପରି ବିରାଟ କୋହଲି ସଚିନ ତେନ୍ଦୁଲକରଙ୍କ ରେକର୍ଡ ସହ ସମକ୍ଷକ ହୋଇଛନ୍ତି। ODI ଫର୍ମାଟରେ ସଚିନ ତେନ୍ଦୁଲକରଙ୍କ ନାମରେ ୪୯ ଶତକ ରହିଛି। ଏହିପରି, ସଚିନ ତେନ୍ଦୁଲକରଙ୍କ ସହ ବିରାଟ କୋହଲି ମିଳିତ ଭାବେ ODI ମ୍ୟାଚରେ ସର୍ବାଧିକ ଶତକ ହାସଲ କରିଥିବା ଖେଳାଳି ତାଲିକାରେ ଶୀର୍ଷରେ ଅଛନ୍ତି।
୧୧୯ ବଲରେ ବିରାଟ କୋହଲି ଶତକ ମାର୍କ ଛୁଇଁଥିଲେ। ୧୨୧ ବଲରେ ୧୦୧ ରନ୍ ସ୍କୋର କରିବା ପରେ ବିରାଟ କୋହଲି ଅପରାଜିତ ରହି ପ୍ୟାଭିଲିୟନକୁ ଫେରିଥିଲେ। ସେ ତାଙ୍କ ଇନିଂସରେ ୧୦ ଟି ଚୌକା ମାରିଥିଲେ।
