କଂଗ୍ରେସ ସଭାପତି ରାହୁଲ ଗାନ୍ଧୀ ତିନି ଦିନିଆ ଓ୍ବାୟାନାଡ ଗସ୍ତରେ ଅଛନ୍ତି । ନିଜର ସଂସଦୀୟ କ୍ଷେତ୍ରକୁ ଗସ୍ତ କରି ରାହୁଲ ଚାଷୀ, ଜନଜାତି ଏବଂ ଅନ୍ୟାନ୍ୟ ଅବହେଳିତ ଶ୍ରେଣୀର ଲୋକଙ୍କ ଅଭିଯୋଗ ଶୁଣିଛନ୍ତି । ସଂସଦଙ୍କୁ ସମ୍ମାନ ପ୍ରଦର୍ଶନ କରିବା ପାଇଁ ଉଦ୍ଦିଷ୍ଟ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ରାହୁଲ ସମସ୍ତଙ୍କ ଅଭିଯୋଗ ଶୁଣିଛନ୍ତି । ଏହା ସହିତ ରାହୁଲ ଦଳୀୟ କାର୍ଯ୍ୟକର୍ତ୍ତା, ସ୍ଥାନୀୟ ପ୍ରତିନିଧି ଏବଂ ସରକାରୀ କର୍ମଚାରୀଙ୍କ ସହିତ ଜନ ସାଧାରଣଙ୍କ ସମସ୍ୟା ସମ୍ପର୍କରେ ଆଲୋଚନା କରିବେ । ରାହୁଲଙ୍କ ସଂସଦୀୟ କ୍ଷେତ୍ର ଉତ୍ତର କେରଳର ଓ୍ବାୟାନାଡ, ମାଲାପ୍ପୁରମ୍ ଏବଂ କୋଝିକୋଡ ପର୍ଯ୍ୟନ୍ତ ବ୍ୟାପ୍ତ । ରାହୁଲଙ୍କ ଏହି ଗସ୍ତରେ ରାହୁଲ ୨୨ଜଣ କେରଳ ପ୍ରଦେଶ କଂଗ୍ରେସ କମିଟି ସଦସ୍ୟଙ୍କୁ ଭେଟିବେ ବୋଲି କେ ସି ବେନୁଗୋପାଳ ସୂଚନା ଦେଇଛନ୍ତି । ରାହୁଲ ଗାନ୍ଧୀ ରବିବାର ଦିଲ୍ଲୀ ପ୍ରତ୍ୟାବର୍ତ୍ତନ କରିବେ ।
