ବେଗୁନିଆପଡା (ଟୁକୁନା ପ୍ରଧାନ): ଗଞ୍ଜାମ ଜିଲ୍ଲା କୋଦଳା ଏନ୍ ଏ ସି ସବଜେଲ ପଛପଟ ସାହିରେ ଭୟାବହ ଅଗ୍ନିକାଣ୍ଡ ଘଟିଛି। ଫଳରେ ଘରର ବିଭିନ୍ନ ଆସବା ପତ୍ର ଜଳି ସମ୍ପୂର୍ଣ୍ଣ ନଷ୍ଟ ହୋଇଯାଇଛି।
ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ। କୋଦଳା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଚଳାଇଥିବା ବେଳେ ପ୍ରବଳ ଧୂଆଁ ବାହାରୁଥିବା ଯୋଗୁଁ ନିଆଁକୁ ଆୟତ୍ତ କରିବା କଷ୍ଟକର ହୋଇଥିଲା। ଅଗ୍ନିକାଣ୍ଡରେ ଯୋଗୀ ପାତ୍ର, ବୁଦ୍ଧିଆ ସେଠି, ହାଡୁ ବେହେରାଙ୍କ ଘର ସଂପୂର୍ଣ୍ଣ ପୋଡି ନଷ୍ଟ ହେବା ସହ ବହୁ ମୂଲ୍ୟବାନ ଆସବା ପତ୍ର ପୋଡି ପାଉଁଶ ହୋଇଯାଇଛି। କ୍ଷତିଗ୍ରସ୍ତ ପରିବାରଙ୍କୁ ସରକାରୀ ସହାୟତା ଯୋଗାଇଦେବା ପାଇଁ ସାଧାରଣ ରେ ଦାବୀ ହୋଇଛି।
Tags: ଅଗ୍ନିକାଣ୍ଡ, କୋଦଳା
