ତେଲ ଆଭିବ: ପଶ୍ଚିମ ଏସିଆରେ ଖରାପ ସ୍ଥିତିକୁ ଏକ ମାସ ବିତିଗଲାଣି। ଅକ୍ଟୋବର ୭ରେ ଇସ୍ରାଏଲ ଉପରେ ହାମାସର ହଠାତ୍ ଆକ୍ରମଣ କେବଳ ଗାଜା ନୁହେଁ ବରଂ ସମଗ୍ର ଅଞ୍ଚଳର ଚେହେରା ଓ ଭୂ-ରାଜନୀତିକୁ ବଦଳାଇ ଦେଇଛି। ଏହି ଆକ୍ରମଣ ପରେ ଇସ୍ରାଏଲ ହମାସକୁ ନିପାତ କରିବାକୁ ପ୍ରତିଶ୍ରୁତି ଦେଇଥିଲା। ଗାଜାରେ ଶାସନ କରୁଥିବା ହାମାସକୁ ନିପାତ କରିବା ପାଇଁ ଆରମ୍ଭ ହୋଇଥିବା ଆକ୍ରମଣରେ ପାଖାପାଖି ୧୦,୦ ପାଲେଷ୍ଟାଇନୀ ନିହତ ହୋଇଛନ୍ତି। ହାମାସ ଆକ୍ରମଣରେ ୧୪୦୦ରୁ ଅଧିକ ଲୋକ ପ୍ରାଣ ହରାଇଥିଲେ। ଆକ୍ରମଣ ପରେ ବନ୍ଧକ ଥିବା ୨୪୦ ଜଣଙ୍କ ମଧ୍ୟରୁ ମାତ୍ର କେତେଜଣଙ୍କୁ ମୁକ୍ତ କରାଯାଇଛି। ଆସନ୍ତୁ ଜାଣିବା ଏକ ମାସ ଧରି ଚାଲିଥିବା ଯୁଦ୍ଧରେ କ’ଣ ଘଟିଛି।
ଏପର୍ଯ୍ୟନ୍ତ ୧୦ ହଜାରରୁ ଅଧିକ ମୃତ୍ୟୁ
ଇସ୍ରାଏଲ-ହାମାସ ଯୁଦ୍ଧରେ ପ୍ରାଣ ହରାଇଥିବା ପାଲେଷ୍ଟାଇନର ସଂଖ୍ୟା ୯,୭୦୦କୁ ବୃଦ୍ଧି ପାଇଛି ବୋଲି ଗାଜାରେ ଥିବା ହାମାସର ସ୍ୱାସ୍ଥ୍ୟ ମନ୍ତ୍ରାଳୟ କହିଛି। ଇସ୍ରାଏଲରେ ୧,୪୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ଅକ୍ଟୋବର ୭ରେ ପ୍ରାରମ୍ଭିକ ହାମାସ ଆକ୍ରମଣରେ ପ୍ରାଣ ହରାଇଥିଲେ। ଏହି ଆକ୍ରମଣ ପରେ ଆରମ୍ଭ ହୋଇଥିଲା ଏହି ଯୁଦ୍ଧ। ଯୁଦ୍ଧ ପରେ ପ୍ରଥମ ଏୟାର ଷ୍ଟ୍ରାଇକରେ ହମାସର ପୋଷ୍ଟ ଉପରେ ଆକ୍ରମଣ ହୋଇଥିଲା। ଅତୀତରେ ଇସ୍ରାଏଲ ପ୍ରତିରକ୍ଷା ବାହିନୀ (ଆଇଡିଏଫ) ସ୍ଥଳଆକ୍ରମଣ ଆରମ୍ଭ କରିଛି।
ଦୁଇ ଭାଗରେ ବିଭକ୍ତ ଗାଜା
ଯୁଦ୍ଧର ଏକ ଅଂଶ ଭାବରେ ଇସ୍ରାଏଲ ଗାଜା ସିଟିକୁ ଘେରାଉ କରିଛି ଏବଂ ଉପକୂଳ ଅଞ୍ଚଳକୁ ଦୁଇ ଭାଗରେ ବିଭକ୍ତ କରିଛି। ସୋମବାର ଇସ୍ରାଏଲ ସେନା ପକ୍ଷରୁ ଏହି ସୂଚନା ଦିଆଯାଇଛି। ରବିବାର ତୃତୀୟ ଥର ପାଇଁ ଗାଜାରେ ଯୋଗାଯୋଗ ସେବା ଠପ୍ ହୋଇଯାଇଛି। ଇସ୍ରାଏଲର ରିୟର ଆଡମିରାଲ ଡାନିଏଲ ହାଗରୀ କହିଛନ୍ତି ଯେ ବର୍ତ୍ତମାନ ଉତ୍ତର ଗାଜା ଏବଂ ଦକ୍ଷିଣ ଗାଜା ବିଭାଜିତ ହୋଇଛି। ଗାଜାରେ ଶାସନ କରୁଥିବା ହମାସ ଆତଙ୍କବାଦୀଙ୍କ ବିରୋଧରେ ଇସ୍ରାଏଲର ଯୁଦ୍ଧରେ ଏହା ଏକ ପ୍ରମୁଖ ମଞ୍ଚ ବୋଲି ସେ ବର୍ଣ୍ଣନା କରିଛନ୍ତି। ଇସ୍ରାଏଲ ଗଣମାଧ୍ୟମ ଅନୁଯାୟୀ ଆସନ୍ତା ୪୮ ଘଣ୍ଟା ମଧ୍ୟରେ ସାମରିକ ବାହିନୀ ଗାଜା ଉପତ୍ୟକାରେ ପ୍ରବେଶ କରିବାର ସମ୍ଭାବନା ରହିଛି। ଉତ୍ତର ଗାଜାରେ ରାତି ସାରା ପ୍ରବଳ ବିସ୍ଫୋରଣ ହୋଇଥିଲା।
ଅସ୍ତ୍ରବିରତି ହେବ ନାହିଁ
ଇଣ୍ଟରନେଟ୍ ବ୍ୟବହାରକୁ ସମର୍ଥନ କରୁଥିବା ଏକ ଗୋଷ୍ଠୀ Netblocks.org ଗାଜାରେ ଯୋଗାଯୋଗ ବନ୍ଦ ଥିବା ସୂଚନା ଦେଇଛି। ପାଲେଷ୍ଟାଇନର ଟେଲିକମ୍ କମ୍ପାନି ପାଲଟେଲ ମଧ୍ୟ ଏହି ସୂଚନା ଦେଇଛି। ଏହି କାରଣରୁ ଇସ୍ରାଏଲର ସାମରିକ ଅଭିଯାନ ସମ୍ପର୍କରେ ଗାଜାବାସୀଙ୍କୁ ସୂଚନା ମିଳୁନାହିଁ। ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି ଯେ ହାମାସ ସମସ୍ତ ବନ୍ଧକଙ୍କୁ ମୁକ୍ତ ନ କରିବା ପର୍ଯ୍ୟନ୍ତ ଅସ୍ତ୍ରବିରତି ହୋଇପାରିବ ନାହିଁ। ଇସ୍ରାଏଲ ପ୍ରତିରକ୍ଷା ମନ୍ତ୍ରୀ ୟାଓ ଗାଲାଣ୍ଟ କହିଛନ୍ତି ଯେ ଗାଜା ଉପତ୍ୟକାରେ ରହୁଥିବା ସମସ୍ତେ ନିଜ ଜୀବନକୁ ବିପଦରେ ପକାଉଛନ୍ତି।
ଆମେରିକୀୟ ସୈନିକଙ୍କ ଅସୁବିଧା [ସମ୍ପାଦନା]
ଇସ୍ରାଏଲ-ହାମାସ ଯୁଦ୍ଧ ବଢ଼ୁଥିବାରୁ ଆମେରିକା ମଧ୍ୟ ବଡ଼ ଧରଣର ସଂଘର୍ଷରେ ଜଡ଼ିତ ହେବାର ଆଶଙ୍କା ରହିଛି। ମଧ୍ୟପ୍ରାଚ୍ୟ ହେଉଛି ସେହି ଅଞ୍ଚଳ ଯେଉଁଠାରେ ପ୍ରାୟ ୪୫,୦୦୦ ଆମେରିକୀୟ ସୈନିକ ମୁତୟନ ଅଛନ୍ତି। ଏଭଳି ସ୍ଥିତିରେ ଯଦି ଆମେରିକା ଏହି ଯୁଦ୍ଧରେ ସାମିଲ ହୁଏ ତେବେ ପରିସ୍ଥିତି ବହୁତ ଜଟିଳ ହୋଇପାରେ। ତୁର୍କୀରେ ୧୮୮୫, ଇରାକରେ ୨୫୦୦, ସିରିଆରେ ୯୦୦, ଜୋର୍ଡାନରେ ୨୯୩୬, କୁଏତରେ ୧୩୫୦୦, ସାଉଦି ଆରବରେ ୨୭୦୦, ବାହାରେନରେ ୯୦୦୦, କତାରରେ ୮୦୦୦, ୟୁଏଇରେ ୩୫୦୦ ଏବଂ ଓମାନରେ କିଛି ଆମେରିକୀୟ ସୈନିକ ଅଛନ୍ତି। ଇସ୍ରାଏଲରେ କେତେ ଆମେରିକୀୟ ସୈନିକ ଅଛନ୍ତି ସେ ସମ୍ପର୍କରେ କୌଣସି ସୂଚନା ମିଳିନଥିବାବେଳେ ଏଠାରେ ଅତି କମରେ ଗୋଟିଏ ଆମେରିକୀୟ ସାମରିକ ଘାଟି ରହିଛି। ବାହାରିନର ଏକ ଆମେରିକୀୟ ନୌସେନା ଘାଟି ଅଛି ଯାହା ନୌସେନାର ସେଣ୍ଟ୍ରାଲ କମାଣ୍ଡ ଏବଂ ଆମେରିକାର ପଞ୍ଚମ ଫ୍ଲିଟର ମୁଖ୍ୟାଳୟ ଅଟେ।