ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ନବ ନିର୍ବାଚିତ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ । ଅନ୍ୟ ୨୫ମନ୍ତ୍ରୀଙ୍କ ସହିତ ଜଗନ ଏହି ଶପଥ ଗ୍ରହଣ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଭେଲାଗାପୁଡିରେ ଅବସ୍ଥାପିତ ରାଜ୍ୟ ସଚିବାଳୟରେ ରାଜ୍ୟପାଳ ଇଏସ୍ଏଲ୍ ନରସିଂହ ରାଓ ଜଗନ ଏବଂ ଟିମ୍କୁ ଶପଥ ପାଠ କରାଇଥିଲେ । ନବଗଠିତ କ୍ୟାବିନେଟ୍ରେ ୫ ଜଣ ଉପମୁଖ୍ୟମନ୍ତ୍ରୀ ରହିଥିବା ବେଳେ ତିନି ଜଣ ମହିଳା ସ୍ଥାନ ପାଇଛନ୍ତି । ପ୍ରଥମ ଥର ପାଇଁ କୌଣସି ରାଜ୍ୟରେ ୫ଜଣ ଉପମୁଖ୍ୟମନ୍ତ୍ରୀ ସ୍ଥାନ ପାଇଛନ୍ତି । ପୂର୍ବରୁ ନିଜ କ୍ୟାବିନେଟ୍କୁ ପଛୁଆ ବର୍ଗଙ୍କ କ୍ୟାବିନେଟ୍ ବୋଲି ଅଭିହିତ କରିଥିବା ଜଗନ ପଛୁଆ ବର୍ଗର ୭ ଜଣ ବିଧାୟକଙ୍କୁ ନିଜ କ୍ୟାବିନେଟରେ ସାମିଲ କରିଛନ୍ତି । ଏହା ସହିତ ଅନୁସୂଚିତ ବର୍ଗର 5 ଜଣ, କାପୁ ଏବଂ ରେଡ୍ଡୀ ସମୁଦାୟରୁ ୪ ଜଣ ଏବଂ ଜନଜାତି ଏବଂ ସଂଖ୍ୟାଲଘୁ ସମ୍ପ୍ରଦାୟରୁ ଜଣେ ଲେଖାଏଁ ବିଧାୟକ ଶପଥ ଗ୍ରହଣ କରିଛନ୍ତି । କମ୍ମା ସମୁଦାୟରୁ ଜଣେ ବିଧାୟକ ଶପଥ ଗ୍ରହଣ କରିଛନ୍ତି ।
Jagan's 25-Member Cabinet Sworn-in