ଢେଙ୍କାନାଳର ଏକ ପରିତ୍ୟକ୍ତ ରାଇସ୍ ମିଲ୍ର କାନ୍ଥ ଭୁଷୁଡି 4 ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ଆହତ ହୋଇଛନ୍ତି । ଓଡ୍ରାଫ୍ ଏବଂ ଅଗ୍ନିଶମ ବିଭାଗ ପକ୍ଷରୁ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଅଳସୁଆ ହାଟ ନିକଟରେ ରହିଥିବା ଏହି ରାଇସ୍ ମିଲ୍ଟି ଅନେକ ଦିନ ହେବ ପରିତ୍ୟକ୍ତ ଅବସ୍ଥାରେ ପଡିଥିଲା । ମିଲ୍ ନିକଟରେ ବ୍ୟବସାୟୀ ମାନେ ବସିଥିବା ବେଳେ ପାଚେରୀ ଭୁଷୁଡି ପଡିଥିଲା । ପାଚେରୀ ତଳେ ଅନେକ ଯାନବାହାନ ଏବଂ ମଣିଷ ଚାପି ହୋଇ ପଡି ରହିଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । ଆହତ ମାନଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାମଧ୍ୟରୁ 4 ଜଣଙ୍କୁ ମୃତ ଘୋଷଣା କରିଛନ୍ତି ।
