ଜାତୀୟ ଶିକ୍ଷାନୀତି 2019କୁ ନେଇ ବିବାଦ ଦେଖାଯିବା ପରେ କେନ୍ଦ୍ର ସରକାର ଏଥିରେ ସଂଶୋଧନ କରିଥିଲେ । ନୂତନ ସୂଚନା ଅନୁଯାୟୀ କେନ୍ଦ୍ର ମାନବ ସମ୍ବଳ ମନ୍ତ୍ରାଳୟ ଏହି ଶିକ୍ଷା ନୀତି ନେଇ ଏକ ଆନ୍ତଃରାଜ୍ୟ ବୈଠକ ଆୟୋଜନ କରିଛି । କେନ୍ଦ୍ର ମାନବ ସମ୍ବଳ ମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କ ଅଧ୍ୟକ୍ଷତାରେ ବସିବାକୁ ଥିବା ବୈଠକରେ ସମସ୍ତ ରାଜ୍ୟର ଶିକ୍ଷାମନ୍ତ୍ରୀ ମାନେ ଯୋଗ ଦେଇ ନିଜର ମତାମତ ରଖିବେ । ଜୁନ୍ 22 ତାରିଖରେ ଏହି ବୈଠକ ଅନୁଷ୍ଠିତ ହେବ । ବୈଠକରେ ମିଳିଥିବା ମତାମତ ଏବଂ ଜନ ସାଧାରଣଙ୍କ ମତାମତ ପରେ ଶିକ୍ଷାନୀତିର ସଂଶୋଧନ କରାଯିବ ବୋଲି ଜଣାପଡିଛି । ଜନସାଧାରଣଙ୍କ ମତାମତ ପାଇଁ ମାନବ ସମ୍ବଳ ବିଭାଗର ଓ୍ବେବ୍ସାଇଟ୍ରେ ମତାମତର ସୁବିଧା ରଖାଯାଇଛି । ଜନ ସାଧାରଣଙ୍କ ମତାମତ ପରେ ଜୁଲାଇରେ ଏହି ବିଲ୍କୁ ସଂସଦରେ ଉପସ୍ଥାପନ କରାଯିବ ।
Tags:
