ଏକ ପାଣି ପାଇପ୍ ଲାଇନ୍ରେ ଲିକ୍ ଯୋଗୁଁ ବିଦ୍ୟୁତ୍ ସେବା ବନ୍ଦ ରହିବା ଯୋଗୁଁ ଦିଲ୍ଲୀର ମେଟ୍ରୋ ସେବା ପ୍ରାୟ ୯୦ ମିନିଟ୍ ପର୍ଯ୍ୟନ୍ତ ବନ୍ଦ ରହିଥିଲା । ନୂଆଦିଲ୍ଲୀରୁ ଚାଉଡି ବଜାର ପର୍ଯ୍ୟନ୍ତ ଯାଉଥିବା ହଳଦିଆ ଲାଇନ୍ ମଧ୍ୟରେ ଏକ ଟନେଲ୍ରେ ପାଣି ଲିକ୍ କରିବା ଯୋଗୁଁ ଏହି ସମସ୍ୟା ସୃଷ୍ଟି ହୋଇଥିଲା । ଡିଏମ୍ଆର୍ସି କର୍ତ୍ତୃପକ୍ଷଙ୍କ ପକ୍ଷରୁ ପ୍ରାପ୍ତ ସୂଚନା ଅନୁଯାୟୀ ଏହି ସମୟରେ ବିଦ୍ୟୁତ୍ ବ୍ୟବସ୍ଥା ବନ୍ଦ ହେବା ଯୋଗୁଁ ସେଣ୍ଟ୍ରାଲ ସେକ୍ରେଟେରିଆଟ-କାଶ୍ମିରୀ ଗେଟ୍ ଏବଂ ସମ୍ୟାପୁର ବଦ୍ଲୀ-ହୁଡା ସିଟି ସେଣ୍ଟର ମଧ୍ୟରେ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଥିଲା । ୯୦ ମିନିଟ୍ ମଧ୍ୟରେ ପାଇପ୍ର ଲିକେଜ୍ ଠିକ୍ ହେବା ସହିତ ମେଟ୍ରୋ ଚଳାଚଳ ସ୍ବାଭାବିକ ହୋଇଥିଲା ।
Tags:
