କଠୁଆ ଧର୍ଷଣ ଓ ହତ୍ୟା ମାମଲା : 6 ଅଭିଯୁକ୍ତ ଦୋଷୀ ସାବ୍ୟସ୍ତ

ଜମ୍ମୁ କାଶ୍ମୀରର କଠୁଆରେ 8 ବର୍ଷୀୟ ବାଳିକାର ଧର୍ଷଣ ଓ ହତ୍ୟା ମାମଲାରେ କୋର୍ଟ 6 ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ପଠାନକୋର୍ଟର ତଳ କୋର୍ଟରେ ଏହି ନିଷ୍ପତ୍ତି ଶୁଣାଇଛନ୍ତି । 7 ଅଭିଯୁକ୍ତଙ୍କ ମଧ୍ୟରୁ 6 ଜଣଙ୍କୁ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି । କୋର୍ଟଙ୍କ ନିକଟରେ ଦାଖଲ କରାଯାଇଥିବା 15 ପୃଷ୍ଠାର ଚାର୍ଜସିଟ୍‌ରେ ଗତ ବର୍ଷ ଜାନୁୟାରୀ 10 ତାରିଖରେ କଠୁଆରେ 8 ବର୍ଷୀୟ ବାଳିକାକୁ ମନ୍ଦିର ମଧ୍ୟରେ ବଳାତ୍କାର ପରେ ହତ୍ୟା କରାଯାଇଥିଲା । ଚାରି ଦିନ ଧରି ବାଳିକାଟିକୁ ନିଶାସକ୍ତ ଅବସ୍ଥାରେ ରଖି ଦୁଷ୍କର୍ମ କରାଯାଇଥିଲା । ମାମଲାରେ କ୍ରାଇମବ୍ରାଞ୍ଚ ପକ୍ଷରୁ ଗ୍ରାମ ମୁଖିଆ ସଞ୍ଜି ରାମ ଏବଂ ତାଙ୍କ ପୁତ୍ର ବିଶାଲ, ନାବାଳକ ପୁତୁରା ଏବଂ ଆନନ୍ଦ ଦତ୍ତାଙ୍କ ସମେତ 3 ପୋଲିସ୍‌ ଅଧିକାରୀଙ୍କୁ ଗିରଫ କରା ଯାଇଥିଲା ।