ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ ଓ ମନ୍ତ୍ରୀ ନବଜୋତ ସିଂହ ସିଦ୍ଧୁଙ୍କ ମଧ୍ୟରେ ଚାଲିଥିବା ବିବାଦ ଏବେ ପଞ୍ଜାବରେ ସୀମିତ ନାହିଁ ଏବେ ଏହି କଥା ଦିଲ୍ଲୀ ଦରବାରରେ ପହଁଚିଛି । ଅମରିନ୍ଦରଙ୍କ ଉପରେ ରାଗିଥିବା ସିଦ୍ଧୁ ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନିକଟରେ ଫେରାଦ ଦେଇଛନ୍ତି । ଏହା ସହିତ ସିଦ୍ଧୁ ଏକ ଚିଠି ମଧ୍ୟ ରାହୁଲଙ୍କୁ ପ୍ରଦାନ କରିଛନ୍ତି । ରାହୁଲଙ୍କ ବ୍ୟତୀତ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଓ ଅହମ୍ମଦ ପଟେଲଙ୍କ ସହ ମଧ୍ୟ ସାକ୍ଷାତ କରିଛନ୍ତି । ସିଦ୍ଧୁ ଓ ଅମରିନ୍ଦରଙ୍କ ମଧ୍ୟରେ ଚାଲିଥିବା ମନ ମତାନ୍ତର ଯୋଗୁଁ ସିଦ୍ଧୁଙ୍କ ମନ୍ତ୍ରାଳୟ ପରିବର୍ତ୍ତନ କରାଯାଇଥିଲା । ଯାହାକୁ ନେଇ ସିଦ୍ଧୁ ଖୁସି ନଥିଲେ । ପରବର୍ତ୍ତୀ ସମୟରେ ପଞ୍ଜାବରେ ଅମରିନ୍ଦର ଗଢିଥିବା ୮ଟି ଟିମ୍ରେ ମଧ୍ୟ ସିଦ୍ଧୁଙ୍କୁ ସାମିଲ୍ ନ କରାଯିବା ନେଇ ବିବାଦ ଚରମ ସୀମାରେ ପହଞ୍ଚିଥିଲା । ଏବେ ସିଦ୍ଧୁ ମନ୍ତ୍ରିମଣ୍ଡଳରୁ ଇସ୍ତଫା ନେଇପାରନ୍ତି ବୋଲି ମଧ୍ୟ ଖବର ରହିଛି । ତେବେ ସିଦ୍ଧୁଙ୍କୁ ଆଗାମୀ ପଦକ୍ଷେପ କ’ଣ ହେବ ତା’କୁ ନେଇ ଚର୍ଚ୍ଚା ଲାଗି ରହିଛି ।
sidhu meet rahul priyanka