ଚଳିତ ବର୍ଷ ଅଗଷ୍ଟ ୨୪ ରୁ ୨୬ ପର୍ଯ୍ୟନ୍ତ ଫ୍ରାନ୍ସର ବାୟାରିଜ ସହରରେ ହେବାକୁ ଥିବା ଜି-୭ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେବେ। ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ଆମନ୍ତ୍ରଣରେ ସ୍ୱତନ୍ତ୍ର ଅତିଥି ଭାବେ ମୋଦି ଏହି ଶିଖର ସମ୍ମିଳନୀକୁ ଯିବେ। ଏଥିପାଇଁ ଇମାନୁଏଲ ପଠାଇଥିବା ନିମନ୍ତ୍ରଣକୁ ମୋଦି ସୋମବାର ଗ୍ରହଣ କରିଛନ୍ତି। ବିଦେଶ ମନ୍ତ୍ରାଳୟ ମୁଖପାତ୍ର ରବୀଶ କୁମାର ମଙ୍ଗଳବାର ଏହି ସୂଚନା ଦେଇଛନ୍ତି। ରବୀଶ କହିଛନ୍ତି ଯେ ବିଶ୍ୱର ଏକ ପ୍ରମୁଖ ଆର୍ଥିକ ଶକ୍ତି ଭାବେ ଭାରତକୁ ସ୍ୱୀକୃତି ମିଳିଛି। ଏହି ନିମନ୍ତ୍ରଣ କୂଟନୈତିକସ୍ତରରେ ଭାରତର ଭାଗିଦାରୀକୁ ପ୍ରମାଣିତ କରୁଛି। ମୋଦି ଦ୍ୱିତୀୟ ଥର ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ପ୍ରଥମ ୟୁରୋପୀୟ ନେତା ଭାବେ ଫ୍ରାନ୍ସର କନିଷ୍ଠ ବିଦେଶ ମନ୍ତ୍ରୀ ଭାରତ ଗସ୍ତରେ ଆସିଛନ୍ତି। ଏହା ପୂର୍ବରୁ ବିଦେଶୀ ନେତାଭାବେ ବିମଷ୍ଟେକ ଦେଶଗୁଡ଼ିକର ରାଷ୍ଟ୍ରାଧ୍ୟକ୍ଷମାନେ ମୋଦୀଙ୍କ ଶପଥ ଗ୍ରହଣ ସମାରୋହରେ ପହଞ୍ଚିଥିଲେ।
Tags:
